Rhian Ramos ready to do lead roles again after Indio

Rhian Ramos on acting: "It’s not just a job for me. Kasi parang although it’s a way to hide myself, kasi I’m not playing myself, I get to play other people. I still find a way to put myself into it."


Ikinalungkot daw ni Rhian Ramos nang mabalitaan niya ang kalagayan ngayon ng beteranang aktres na si Bella Flores.

Matatandaan na noong nakaraang taon ay naoperahan ang aktres matapos maaksidente ito sa kanilang tahanan.

At ngayon nga, bukod sa bedridden na siya, ayon sa kanyang anak na si Ruby Arcilla, “madali siyang mapagod, tapos medyo forgetful.”

(CLICK HERE for related article)

“Honestly nagulat ako, e,” sabi ni Rhian nang makausap siya ng PEP.ph (Philippine Entertainment Portal) noong Pebrero 23, sa Baguio City, para sa Panagbenga Festival.

“Kasi nung nakatrabaho ko siya sa Kontrabida Girl (2012), which is very recent lang naman, uhm, she seems fine.

“And kahit kasi naka-off yung cameras, nag-uusap kami and she was quick, parang kung ano’ng character niya nga sa Kontrabida Girl, yung medyo ginagabayan niya ng konti yung character ko, e, yung binibigyan niya ‘ko ng advice, yun ang nangyari sa totoong buhay.

“She was telling me about showbiz, and she knew her lines.

“So for me, she was just so present and quick, na it’s hard for me to think of her not in that position.

“I hope her family is okay, and I hope she gets well.”



HER COMBACK. Samantala, mainit naman ang naging pagtanggap ng mga taga-Baguio kay Rhian nang mag-perform ito sa Kapuso Night noong Pebrero 23, sa Rambakan Drive, sa SM City Baguio.

Kinantahan niya ang mga tao ng “This Love” na original single ng Maroon 5 at nang mash-up ng mga kantang “Tic Toc,” “Call Me Maybe,” “Last Christmas,” at “Super Bass.”

Natawa naman si Rhian ng sabihin ng PEP na mukhang napasubo siya sa pagkanta ng gabing iyon.

“I just have fun entertaining people,” wika ng Kapuso actress.

“Like ako, aware naman ako na hindi ako good singer, e.

“Pero if I can put songs together in a way na to make it fun, to make it kind of a guessing game na what’s gonna happen next.

ADVERTISEMENT - CONTINUE READING BELOW

“You know, I perform in front of people, parang it just makes me happy to entertain, parang kung may natuwa o naka-smile, masaya ‘ko.”

Mukhang ang tilian ng mga tao nang makita siya’y nagpapakita rin na nagugustuhan nila ang kanyang karakter sa primetime fantaserye ng GMA-7 na Indio.

“Bakit kaya?” natatawang tanong ni Rhian sa PEP.

Pagpapatuloy niya, “Uhm, actually ano, e, medyo madali lang naman… madali ko lang naman nakuha yung emotions ng character.

“Kasi, well, isa na yung emotional akong tao, pero at the same time… yun nga, feeling ko kasi, every character revolves around love.

“Parang hahanapin mo lang kung ano’ng love nila, tapos every decision that the character make is about whatever they love.

“So ‘yon lang ang ginawa ko sa charcter ko, I just figured out what she loves—the people—and she’ll do everything to protect them.”

Dagdag pa ni Rhian, nakatulong ang comeback TV series niya na ito upang maging “at ease” siyang muli na umarte para sa telebisyon.

Aniya, “You know, my role is really, uhm, parang maganda ang placing sa soap. So parang it made me feel special.

“It’s a plum role! So it just seems the perfect fit to ease myself back into working.”



READY FOR LEAD ROLES AGAIN? Matapos kaya ang paglabas niya sa Indio ay handa na si Rhian na tumanggap ng lead roles sa teleserye?

Sandaling nag-isip si Rhian at saka sumagot ng, “I think after Indio, yeah.”

Dito daw kasi niya nakita ang “hunger” niya pagdating sa pag-arte, at kung gaano niya kamahal ang kanyang trabaho.

“Kasi what I realized when I started working again is now… parang nag-materialize sa akin the hunger that I had to work.

“The whole time that I was scared, that I didn’t want to go back, I just wanted to stay with my family, hang out and not have responsibilities, to not to think about anything.

ADVERTISEMENT - CONTINUE READING BELOW

“But when I finally got back, and I finally did my first role, parang doon ko na-realize na, ‘Grabe, na-miss ko pala ‘to!’

“So parang for me, I don’t know what other kind of art I can do aside from acting.

“I mean, it’s not just a job for me. Kasi parang although it’s a way to hide myself, kasi I’m not playing myself, I get to play other people.

“I still find a way to put myself into it.

"So yung mga emotions na hindi puwede i-release sa totoong buhay, kaya ko i-release sa character, without feeling bad about it and without being embarrassed.

“So it’s really more than work for me, it’s my kind of art. I don’t know how to paint.

"I don’t know how to do anything else, this is how I express myself.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN