Nakaabot na sa Final 2 ang Pinoy contestant sa reality competition show na The Apprentice Asia na napapanood sa AXN Channel.
Ito ang kauna-unahang Asian franchise ng reality competition na pinasikat ng American business tycoon na si Donald Trump.
Isang Economics major graduate ng University of the Philippines si Jonathan Allen Yabut at isa rin siyang senior product manager para sa isang kilalang pharmaceutical company.
Kung papalarin ngang manalo si Jonathan, he will get a one-year contract with a salary of $100,000 working for Malaysian entrepreneur Tony Fernandes na siya ring host ng naturang reality competition show.
Tony Fernandes is the Group Chief Executive Officer of AirAsia.
Sa naganap na huling episode ng The Apprentice Asia, na-convince nga ng 27-year-old Pinoy contestant ang Malaysian airline tycoon na karapat-dapat siyang umabot sa Final 2 dahil marami nga raw siyang magagawa para sa kumpanya ng tanyag na industrialist.
He said he has the passion and ambition to work for somebody like Tony Fernandes .
“I am an extremely driven and passionate person. I always set my eyes on the prize, and as people would describe me, what Jonathan wants, Jonathan gets.
“I want to prove to Mr Fernandes that the real me is the real apprentice.
“If you look into my eyes, I have the most burning eyes in terms of passion.
“Any ambition is always matched with the resources that you have,” diin pa ni Jonathan bago siya mapili para sa Final 2, kasama ang isa pang contestant—ang Singaporean lawyer na si Andrea Loh Ern-Yu.
Noong una, dalawa silang Pinoy na nakasama sa official 12 contestants ng show. Pero noong episode 7 ay natanggal na si Celina Le Neindre.
Bagama’t na-fire si Celina, inalok naman siya ng trabaho ng AirAsia Philippines.
POSITIVE FEEDBACK. Maganda nga rin ang mga feedback kay Jonathan pag dating sa mga business tasks at decision-making challenges na pinapagawa sa kanila sa show.
“When I first looked at his background, I knew that Jonathan is going to be a very good challenger,” sabi ng isa sa advisors ng show na si Mark Lankester, CEO of Tune Hotels.
“He’s done very well in his own company and has won awards for his work. How far he has gotten in the competition is a testament that the talent in the Philippines is absolutely first class.”
Impressed naman ang isa pang advisor na si Kathleen Tan, CEO of Expedia Asia, sa husay ng Pinoy contestant.
“I am very sure that all the Pinoys are so proud of Jonathan. Whether he wins or not, he is already a hero in Philippines. Well done, Jon.
“I spotted Jon on the first episode and told Tony I think this young man could be your Apprentice.
“If he doesn’t make it, Expedia will offer him a job.”
Ang nakakatuwa pa kay Jonathan ay hindi niya tinatanggal ang Philippine flag pin niya sa kanyang suot na jacket.
Patunay lang na isa siyang proud na Pinoy.
“I wear this Filipino flag because I want to serve that inspiration to the rest of my country that there is hope and I represent that hope in them,” pagmamalaki pa ni Jonathan.
Magaganap ang two-part finale ng The Apprentice Asia on July 24 and July 31, 9:00 PM sa AXN Channel.