Claudine Barretto’s lawyer says TPO petition against Raymart Santiago is not a gimmick

Buo ang paniniwala ng abugado ni Claudine Barretto na si Atty. Ferdinand Topacio na nagsasabi ng totoo ang aktres kaugnay ng TPO petition na inihain nito laban sa asawang si Raymart Santiago.


Hindi raw naghahanap ng publisidad si Claudine Barretto matapos maghain nito ng petition for Temporary Protection Order (TPO) laban sa dating asawang si Raymart Santiago.

Ayon sa abugado ng aktres na si Atty. Ferdinand Topacio, nagdalawang-isip pa nga raw si Claudine sa paghahain ng TPO dahil baka makaapekto raw ito sa kanilang mga anak ni Raymart.

Sabi ni Atty. Topacio sa panayam sa kanya ng dzMM, “Alam n’yo, kung ito ay gimik na katulad ng ibang nangyayaring gimik, ay maaaring maniwala tayo. Pero iba ito.

“Unang-una, ito ay tungkol sa marriage nila na talagang si Claudine ay ginawa niya ang lahat para isalba ang marriage na ’yon.

“Pangalawa, kung gimik ito, si Claudine, hindi ito siguro gagawin ni Claudine dahil malaki ang epekto nito sa kanyang anak.

“Pero ito ay makakaapekto sa mga anak nila, yung fallout nito from the news, yung mga komento, sa mga classmates.

“Actually, she was very reluctant to do this until the very last minute na sabi ko, ’Sige, ikaw ang bahala kasi I cannot decide for you.’

“She did a lot of soul-searching, iyakan nang iyakan, almost the whole time I was with her.

“Hanggang ngayon, hindi tumitigil ang pag-iyak niya and she’s really in a lot of pain—emotionally, mentally.

“And she was in grief.

“Ang pangit naman ng gimik na ito kung gimik ito, hindi matutuwa ang tao sa iyo nito sa gimik na ito.”

Sinagot din ni Atty. Topacio ang isyung ang kanyang kliyente raw ay may mga “kakaibang kilos o ugali” at sa usap-usapang pumasok daw ito ng rehab.

“Alam n’yo, admittedly, may mga recorded na times na talagang medyo may aberration ang conduct ni Ms. Barretto.

“Ngunit nais ko lang ibalik ang tanong sa publiko at sa media: Hindi kaya dahil ganoon si Claudine ay talagang because since 2005 ay may hindi na siya nagiging magandang karanasan sa pagsasama niya kay Mr. Raymart Santiago?

ADVERTISEMENT - CONTINUE READING BELOW

“Kaya nga she has to be fixed, kaya nga may psychiatrist kaming kukunin to analyze her.”

Sinabi rin ni Atty. Topacio na naniniwala siya na nagsasabi ng totoo si Claudine.

“She may be a good actress, but she’s not that good para lokohin ako ng tatlong araw.

“I am a seasoned lawyer. Maloloko mo siguro ako for a while, pero nagtagal na ganoong kasama mo ay magsi-slip at magsi-slip na it was just an act.

“Consistent [siya]."

Samantala, nagbigay na rin ng pahayag si Raymart kaugnay ng paghahain ng TPO ni Claudine laban sa kanya.

Mariing pinabulaanan ng aktor ang mga akusasyon ng asawa at sinabi niyang may kakayahan ang aktres na “gumawa ng kuwento.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN