Christian Bautista and brothers compose Christmas song for Yolanda victims; still clueless about Karylle’s engagement

Christian Bautista on Justin Bieber: “I’m glad that he’s here. I’m personally glad that he’s here. I feel bad na naunahan pa niya akong pumunta dun. I feel great na nandun siya ngayon giving inspiration sa ating mga kababayan. Gusto ko sumunod, gusto ko siya gayahin at pumunta dun. Para personally din makamayan sila, maakap sila, mabigyan sila ng kaunting pag-asa.”


Ipinagmamalaki ni Christian Bautista ang kantang “Paskong Pilipino” na kanyang inihahandog para sa mga biktima ng bagyong Yolanda.

Naka-jamming ni Christian sa awiting ito ang kanyang mga kapatid na sina Jordan at Joshua, na kasama rin niyang nagsulat ng lyrics ng kanta.

Ang "Paskong Pilipino" ay mabibili at mada-download sa OPM2go.com.

Ang kikitain ng kanilang kanta ay idu-donate ng magkakapatid sa World Vision upang patuloy na makatulong sa mga biktima ng kalamidad.

Sabi ni Christian, “Parang sana to spark hope sa ating mga kababayan.

“Yun nga, e, malapit na yung Pasko, e, at sana hindi natin makalimutan yung kahulugan nito, kahalagahan nito.

“At sana itong kantang ito ay mag-inspire pa ng mga kababayan natin.”

Ikinatutuwa ng 32-year-old singer ang paggamit ng musika upang makatulong at makapagbigay ng pag-asa sa mga biktima ng bagyong Yolanda.

“Ang masarap pa ngayon, ang dami-daming taong gumagawa ng mga inspirational songs.

“Every network has its own inspirational songs, tapos lahat nagga-gather.

“[Philippine] Red Cross has an insipirational song... So, parang lahat ngayon, nakakatulong.

“So sana talaga, yung music na ma-create ngayon ay talagang mag-heal sa bayan at talagang makatulong.”

Nakapanayam ng PEP.ph (Philippine Entertainment Portal) at iba pang miyembro ng press si Christian sa contract signing ng renewal ng kanyang endorsement deal para sa Ink All-You-Can.

Ginanap ito kahapon, December 10, sa Max’s Restaurant, Scout Tuazon, Quezon City.



JUSTIN BIEBER IN TACLOBAN. Tinanong din si Christian kung ano ang masasabi niya sa relief efforts na ginawa ng international singer na si Justin Bieber sa Tacloban City kahapon.

Read: Justin Bieber says Tacloban visit is his “most touching trip”

Ani Christian, “I’m glad that he’s here. I’m personally glad that he’s here.

“I feel bad na naunahan pa niya akong pumunta dun.

“I feel great na nandun siya ngayon giving inspiration sa ating mga kababayan.”

ADVERTISEMENT - CONTINUE READING BELOW

Nais din daw ni Christian na pumunta ng Tacloban, kung mabibigyan ng pagkakataon, upang magbigay ng pag-asa sa mga nasalanta ng bagyo.

“Gusto ko sumunod, gusto ko siya gayahin at pumunta dun.

“Para personally din makamayan sila, maakap sila, mabigyan sila ng kaunting pag-asa.”



ASEAN-JAPAN MUSIC FAIR. Noong November 28 ay lumipad patungong Tokyo, Japan, si Christian upang kumatawan sa Pilipinas sa ASEAN-Japan Music Fair.

Ang music fair ay ginanap upang ipagdiwang ang 40th anniversary ng ASEAN-Japan Friendship and Cooperation.

Read: Christian Bautista performs at MYX Mo! 2013 benefit concert; will represent the Philippines at ASEAN-Japan Music Fair

Bukod kay Christian, nagpadala rin ng kanilang representatives sa music fair ang iba pang ASEAN countries.

Kabilang dito sina Zul Faden (Brunei Darussalam), Preab Sovath (Cambodia), AKB48, W-inds, EXILE (Japan), Agnes Monica (Indonesia), Annita (Laos), Siti Nurhaliza (Malaysia), Sai Sai Kham Leng (Myanmar), Olivia Ong (Singapore), Bird Thongcha (Thailand), at My Linh (Vietnam).

Sabi ni Christian tungkol dito, “I’m so fulfilled sa trip po namin sa ASEAN-Japan celebration of the friendship between those two wonderful parties.

“At talagang noong kumanta po ako, talagang na-feel ko na dala ko ang buong Pilipinas.

“At na-feel ko po na lahat po, pinapanood ako.

“So, talagang kinakabahan ako, kasi dapat talagang maganda yung performance ko at yung message na masabi ko.”

Ilan sa mga kinanta ni Christian ay ang kanyang original single na “Invincible” at ang sarili niyang version ng “Titanium” ni David Guetta.

Hindi raw makakalimutan ni Christian ang kanyang naging karanasan sa music fair dahil na rin sa suportang ibinigay sa kanya ng mga Hapon.

“Talagang nag-connect ako sa ibang mga bansa at nagpasalamat ako sa kanila dahil tinutulungan nila tayo.

“Talagang hindi ko makakalimutan yung experience na yun, kasi pag tayo talaga nagsama…

“Bakit pa sa ibang mga bansa nagkakaisa, pero dito pa sa Pilipinas, tayo watak-watak?

ADVERTISEMENT - CONTINUE READING BELOW

“So, sana ngayon din, lalo na ngayon, magsama-sama muna tayo.

“Wala na munang pulitika, wala na munang tirahan.

“Tulungan muna, tulungan muna. Yun muna ang gawin natin.”

Nag-iwan din ng mensahe ng pasasalamat si Christian sa Japan na nagpaabot ng tulong para sa mga nasalanta ng bagyong Yolanda.

Aniya, “Thank you for your strength, na kahit naka-experience kayo ng earthquake, kahit kayo yung nakaranas ng disgrasya dati, e, nakabawi kayo.

“At ngayon, kayo pa yung tumutulong sa amin. Salamat po.”



KARYLLE’S ENGAGEMENT. Samantala, inusisa rin ng press si Christian kung may nalalaman ba siya sa balitang pagpapakasal ni Karylle sa boyfriend nitong si Yael Yuzon.

Si Karylle ang katambal ni Christian sa musical play na Cinderella, at magkasama rin sila sa talent management company na STAGES.

Ngunit hindi pa raw makapagbigay ng pahayag si Christian tungkol dito dahil hindi niya alam kung may katotohanan nga ang balitang ito.

“Ayoko muna… hindi ko alam, hindi ko pa alam.

“Naririnig-rinig ko lang, pero as a friend, tatanungin ko muna siya.

“Kung totoo yun, ano ang kakantahin ko?”

Hindi raw kasi nila napag-uusapan ang ganitong bagay kahit na madalas silang magkasama.

“Weird, e. Lagi kaming magkasama parati, pero hindi namin napag-uusapan yun.

“I think it’s too personal right now.

“So when she’s ready, I will be ready to... talk.”



BLESSING. Itinuturing namang isang blessing ni Christian ang pag-renew niyang muli bilang endorser ng Ink All-You-Can sa ikatlong taon.

Pahayag niya, “It’s a blessing. It’s a nice, nice Christmas gift na maka-renew ng contract sa Ink All-You-Can, again.

“So, I’m very, very grateful and nagpapasalamat ako for the trust.”

Ipinagpapasalamat din ng singer na patuloy pa rin ang suportang nakukuha niya at iba pang singers mula sa kanilang fans.

“Ngayon, medyo parang pag sinabi mong singer, parang sinasabi, parang mahirap mag-endorse.

ADVERTISEMENT - CONTINUE READING BELOW

“Pero, I mean, I believe in the song. I believe in the music.

"At kung tatagos talaga ang music, then why not?

“I’m still thankful sa mga tao who still believe in the radio, who still believe in the single.

“And kahit may piracy, gumagawa pa rin kami ng kanta.

“So, talagang music is really powerful and I’m very glad na they believe in music.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN