Bagamat ilang taon nang napapanood si Drew Arellano sa mga programa ng GMA Network, nilinaw ng TV host na hindi siya exclusive contract artist dito.
“My contract is per show, for the longest time,” sabi niya.
Mas gusto ba niya yung ganun o desisyon iyon ng manager niyang si Boy Abunda?
Ayon kay Drew, “It’s been working out and I’m enjoying. And, like what I said, for me, the priority is enjoy.”
Halos hindi siya nababakante sa trabaho.
“The thing is, kasi with my work… this is me, ha, with my work naman kasi, I’m very comfortable.
“So, you give me one show, you give me three shows, just as long as I’m comfortable, just as long as I have time for my family, as long as I have time for my health, just as long as I have time for myself, then…”
Nakausap ng PEP.ph (Philippine Entertainment Portal) si Drew sa presscon ng bago niyang show na Bonakid Pre-school Ready Set Laban 2 noong September 22 sa GMA Network Center.
BOY ABUNDA. Speaking of his manager, tinanong namin si Drew kung ano ang reaksiyon niya nang malamang nagkasakit si Boy.
“Siyemrpe naman… actually, ‘di ba, ang pagkakaalam ko talaga, itinago talaga ‘yan, e.
“Maski ako, parang late ko na rin nalaman, e.
“So, parang it was a big sigh of relief when, you know, we found out na…
“Of course, we got worried na, you know, he got thin, because we saw sa pictures.
“And then we found out that he was smiling again and then he went back to work.
“So, it was parang a big sigh of relief.”
Close family friend ng pamilya ni Drew si Boy; ang ama ni Drew ang abugado ng veteran TV host.
“Oo naman. Kaya ko naman nakilala si Tito Boy was because of my dad,” banggit pa ni Drew.
NOT MATERIALISTIC. During the panel interview sa presscon ay nabanggit ni Drew na hindi na niya kailangan na magtrabaho.
Nilinaw ito ng PEP sa kanya nang makausap namin siya pagkatapos ng presscon proper.
Saad niya, “Hindi naman sa hindi kailangan.
“Sinabi ko lang na ang priority ko ay mag-enjoy at hindi ko priority na yumaman.
“Kasi, ‘di ba, there’s a big difference when I say yumaman and still have work and living comfortably.
“So, ako kasi, I really prioritize ever since before, and sila Tito Boy knows it.
“You know, all the people that I work with, I keep on emphasizing that, just as long as I’m really enjoying, just as long as I get my sleep, just as long as I’m still happy and sharing my happiness and giving that excitement or having that, you know, I’m still excited to do work.
“And people see, when they watch me, that I’m still excited and they get excited, then I’m still okay.
“’Coz you know, I don’t want to reach a point in time wherein I’m doing this for the money? No, no.
“Then, for me, that’s not being me.
“And I think that’s the time, hopefully hindi aabot yun, because I just wanna be where I am right now.”
Hindi raw materialistic na tao si Drew.
“I’m not looking for, like, a very expensive car or whatever.
“I mean I just really... I just want, you know, the comfort of the love of my life.”
HOSTING STYLES. Pareho silang host ng misis niyang si Iya Villania. Nagbibigyan ba sila ng tips and advises sa paghu-host?
“Actually, you know what, yes!” bulalas ni Drew.
Sino ang mas madalas magbigay kanino?
“Wala naman, sometimes, when we work together.
“Kasi when I work alone, most of the time, she’s not there.
“When she does her work, most of the time, I’m not there also.
“But when we work together and then we, you know… when we host together, there will come a point in time when we go home, and then you’re like, ‘Oo nga pala, ito yung ganyan, ito yung ganyan.’
“So, we learn from each other and I think that’s a good thing.”
Kapag may pagkakataong napipintasan ang hosting style ni Iya, ano ang sinasabi niya rito?
Saad ni Drew, “You know, kanya-kanyang style ‘yan, e.
“And I cannot say na, ‘O, bakit mo ginawa ‘yan?’
“Kasi, you know, for my style, this is my style.
“And I always believed in what Tito Boy has told me over the years, that you will learn your own style.
“Even though sabihin natin, Tito Boy is such a great host or any host for that matter, they will have their own style.
“And the moment when you’ve reached that point in time in your career na, ‘Uy, kumportable na ako sa style ko, a!’
“And then we can just, like, I can probably learn other things like, you know, research some more, or talk about less on that topic because it will be very sensitive.
“It really depends, I guess… it really depends on the audience also.
“But, yeah, I think it’s really about respecting each one’s style.”
KIDS. Dahil siya ang host ng mom-and-kid game show ng GMA na Bonakid Pre-school Ready Set Laban 2, tinanong namin si Drew kung hindi ba siya nahihirapan na puro mga bata ang kasama niya samantalang wala pa silang anak ni Iya.
Hindi ba siya natutuksontg “iuwi” ang isa sa mga cute na contestants sa show niya?
“A, matagal na yun, matagal ko nang gustong mang-kidnap ng mga bata!” ang tumatawang sagot ni Drew.
Dagdag niya, “Pero okay lang din, e.
“I guess best of both worlds muna. Habang wala pa kaming anak, parang nae-enjoy ko yung… that’s one way of looking at it, ‘di ba?
“Parang imbes na mainggit ako, iniiba ko na lang yung pananaw ko.
“Iisipin ko na lang na kahit wala pa kami, at least nakukuha ko yung oras or nakukuha ko yung enjoyment thru the show.
“Dahil nakakasama ko ay mga bata.”
Ano ang gusto niyang maging unang anak nila ni Iya?
Babae o lalaki?
Given the choice?
“Kasi minsan gusto mo lalaki, minsan gusto mo babae.
“Ako, both. Twins na lang!
“Lalaki at babae, mas maganda yung ganun.”
Si Iya raw ay lalaki ang gusto maging panganay nila.