May ilang umasa at nabigo na makitang magpo-propose ang director-film producer na si Paul Soriano sa longtime girlfriend nitong si Toni Gonzaga sa Celestine concert ng huli noong Biyernes, October 3.
Nakapanayam ng PEP.ph (Philippine Entertainment Portal) at iba pang media si Paul pagkatapos ng Golden Screen Awards ng Entertainment Press Society (EnPress) noong Sabado, October 4, sa Teatrino Greenhills.
Sinabi ni Paul na wala talaga siyang planong gawin ito sa 15th anniversary concert ni Toni.
Diin pa niya, “The proposal will happen behind the camera.
“I know a lot of Toni’s life and our relationship are of public interest.
“But there are certain moments that we want to keep intimate.”
Gayunman, sabi niya, “Of course, we will make kuwento once it all happens. Very soon.”
Sa ngayon, wala pa raw konkretong plano si Paul kung paano at kailan niya gagawin ang proposal.
Aniya, “To be honest with you, I have not thought yet how I am going to propose.
“All I know is, she’s the one for me.
"I’m still finding that way to propose.
“Maybe just like how I do my films—I need to come up with this fresh and unique idea.”
Dagdag pa ni Paul, “Toni’s hard to surprise. Toni’s hard to catch, she’s always so busy.
“So, I need to find a right way to do it. And I know it will happen.”
NO PRESSURE. Sa Celestine concert, ipinakita ang mga larawan ng orihinal na kasamahang hosts ni Toni sa reality show na Pinoy Big Brother—sina Bianca Gonzalez at Mariel Rodriguez.
Nang makita ang mga ito, napakomento si Toni: “Ay! Si Mariel saka si Bianca. Yung isa kasal na [referring to Mariel], yung isa ikakasal this year [referring to Bianca]. Ako na lang natitira."
Sa press conference bago ang Celestine concert, sinabi ni Toni na ayaw niyang mangyari ang proposal sa kanya ni Paul sa mismong concert niya.
Hirit pa niya, “Bigay na natin sa kanilang lahat itong taon na ‘to.”
Katulad ng kanyang girlfriend, wala ring nararamdamang pressure si Paul para sumunod sa ibang celebrities na nag-propose o magpapakasal ngayong taon.
Sabi niya, “I know there are a lot of engagements this year. I guess that’s because that is God’s perfect time for them.
“I think we’re still waiting for God’s perfect time for us.
“No pressure [for us], we’re still enjoying very much the successes of our individual careers.
“She just had a very successful concert.”
Sa huli, sabi ni Paul, “We have the rest of our lives to enjoy each other. So, right now, focus muna sa career.”