Lani Mercado says its a "sad Christmas" for their family

Sa kabila ng pagkaka-detain ni Senator Bong Revilla, sinabi ng kanyang maybahay na si Rep. Lani Mercado na, "Hindi namin binabago yung selebrasyon ng Pasko. Nandun kami. We are present. We are all present there for him."


Bagamat tuloy pa rin ang pagdiriwang nila ng Kapaskuhan, aminado si Cavite Representative Lani Mercado na malungkot ang Paskong ito para sa kanilang pamilya.

Ito ay dahil naka-detain pa rin ang kanyang mister na si Senator Ramon “Bong” Revilla Jr. sa Camp Crame kaugnay ng pagkakadawit nito sa kaso ng pork barrel scam.

“It’s sad… It’s a sad Christmas,” pahayag ni Lani sa eksklusibong panayam sa kanya ni Mario Dumaual para sa TV Patrol ng ABS-CBN kagabi, December 24.

Dagdag pa niya, “You try to make the ambience happy, pero may kulang. So we will bring Christmas to him on Christmas day.”

Napakalaki rin daw ng pagkakaiba ng Pasko nila ngayong taon kumpara noong mga nagdaang taon.

Saad ni Lani, “Kasi ang Pasko sa amin normally, ‘pag ganitong panahon, Metro Manila Film Festival, parade, babalik siya dito sa bahay, ‘tapos…

“Actually, [December] 23 ngayon ang parade, so at least may pahinga.

“Pero yung normal na kalakaran, 24 ang parade, 24 yung handaan ng Pasko, ‘tapos hanggang sa mapuyat na hanggang the following day ng 25.

“And then we wait ‘til the films are shown and opened the following day.

“So, iba ngayon, totally very, very, very different… parang 180-degree turn and it’s different. It’s going to be different.”

Mula 2009 hanggang 2012 ay mayroong entry sa taunang Metro Manila Film Festival si Senator Bong: Ang Panday (2009), Si Agimat at Si Enteng Kabisote (2010), Ang Panday 2 (2011), at Si Agimat, Si Enteng at Ako (2012).

COPING MECHANISM. Tinanong din si Lani kung paano siya nagku-cope sa sitwasyon nila ngayong mag-anak.

Tugon niya, “Siyempre I try to make myself very busy.

“I try to attend a lot of functions in my district, kasi kongresista po ako. So I have to go around my district.

“I have to make sure na nakikita ako ng tao despite of trials in my life.

ADVERTISEMENT - CONTINUE READING BELOW

“So, yun yung comfort zone ko, basically.

“Kasi mararamdaman mo yung pagmamahal nila, nandun.

“You’re not judged when you’re in your district. Mahal ka ng tao.”

Nakakakuha rin daw siyempre ng suporta si Lani sa kanyang pamilya at mga anak.

“Ay, oo… When you’re at home, siyempre you miss somebody at home, kasi hindi kayo kumpleto as a family.

“Pero your kids try to fill up that space.

“’Tsaka, ayun, you make it a point to visit him every day despite the hectic schedules, despite the responsibilities.

“I try to go there [sa Camp Crame] every day, except for Mondays.”

Kumusta naman si Senator Bong?

Ayon kay Lani, “Alam mo, he’s a strong man, e.

“Malakas ang will power niya. Minsan mas mahina pa kami kesa sa kanya.

“He doesn’t… well, siguro it’s the people that visit him, it’s the spiritual and fellowships that happen inside. The camp that makes him strong.

“Kasi he has a Tuesday male group and Sunday fellowships, so it’s different.

“It’s different for him… iba yung activities niya dun.

“Kahit limited yung espasyo, limited yung mga taong nakikita mo, it’s amongst your co-detainees, yung mga bumibisita naman sa kanya, nagpapalakas ng loob niya, ganyan, despite of the situation.”

Dagdag niya, “Makikita mo may lungkot sa mga mata niya, pero he tries to keep himself happy.

“He tries to pero makikita mo may lungkot sa mga mata niya.”

COLD CHRISTMAS. Sa hiwalay na panayam ni Senator Bong ay sinabi niyang magiging malamig ang Pasko niya ngayon dahil nga naka-detain siya. Pero okay lang daw siya.

Pagsang-ayon ni Lani, “Okey lang siya… okey lang siya.

“He will be with the presence of family.

“Kumbaga, hindi namin binabago yung selebrasyon ng Pasko.

“Nandun kami. We are present. We are all present there for him.”

ADVERTISEMENT - CONTINUE READING BELOW


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN