Marian Rivera: “Aaminin ko, hindi ako kagalingang mag-English.”

“Aanhin ko ang kagalingan sa pag-i-Ingles kung hindi naman ako marunong dumiskarte at hindi ako mapagmahal sa mga magulang ko, o nakakalimutan ko ang mga kaibigan ko?” sabi ni Marian Rivera tungkol sa pangungutya sa kanya ng ilan dahil sa hindi pagiging bihasa sa pagsasalita ng Ingles.


“Kapag hindi ka magaling mag-Ingles... ibig sabihin ba nun, bobo ka?”

Ito ang naging pahayag ni Marian Rivera sa panayam sa kanya ng Kapuso Mo, Jessica Soho na ipinalabas kamakailan.

Sa naturang episode, ipinakita ang pagbisita ni Marian sa De La Salle University-Dasmariñas, sa Cavite, kung saan siya nagtapos ng kursong B.S. Psychology.

Kaugnay nito, pahayag ni Marian, “Para maka-graduate ka ng Psych sa isang magandang eskuwelahan... walang bobong tao na nakaka-graduate ng Psych.”

Pagkatapos ay inamin ng Kapuso Primetime Queen na hindi siya bihasa sa pagsasalita ng Ingles.

“Alam kong mahirap dahil nami-misinterpret, but ako, aaminin ko, hindi ako kagalingang mag-English.”

Gayunman, idiniin ni Marian na hindi ito dapat maging basehan para sukatin ang katalinuhan ng isang tao.

Aniya, "Kapag hindi ka magaling mag-Ingles, pero maprinsipyo ka sa buhay mo, kapag mahal kang anak, mabait kang kaibigan, ibig sabihin ba nun, bobo ka?

“Parang ang sakit lang isipin at sana maging malawak ang pag-iisip ng tao tungkol sa definition ng isang pagiging matalinong tao.

"Kasi para sa akin, ang matalinong tao, e, marunong dumiskarte sa buhay.”

Dagdag pa ni Marian, "Aanhin ko ang kagalingan sa pag-i-Ingles kung hindi naman ako marunong dumiskarte at hindi ako mapagmahal sa mga magulang ko, o nakakalimutan ko ang mga kaibigan ko?

“Kung ang definition ng pagiging matalino ay mag-English lang, 'wag na lang akong maging matalino.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN