Rochelle Pangilinan’s boyfriend Arthur Solinap injured his knee in basketball game

Ikinuwento ni Rochelle Pangilinan sa PEP ang nangyaring aksidente sa kanyang boyfriend na si Arthur Solinap habang naglalaro ito ng basketball sa Cavite.


Nabanggit ni Rochelle Pangilinan sa PEP.ph (Philippine Entertainment Portal) na naaksidente ang boyfriend niyang si Arthur Solinap.

Kuwento niya, “Naputol po yung tendon niya sa kaliwa [na tuhod].

“Nag-basketball siya nung Saturday. Sa Cavite sila nag-basketball.

“Nasa rehearsal ako ng Sunday All Stars, ‘tapos nag-text siya, sabi niya, ‘Beh, call me, important!’

“’Tapos pagtawag ko, ‘Beh…’

“Dinadahan-dahan niya ako, kasi alam niya hysterical ako lagi, e.

“Sabi niya, ‘Beh, naano yung tuhod ko, e, nadisgrasya!’

“Sabi ko, ‘Bakit?! Ano ang nangyari?!’

“Ayun na, ikinuwento na niya, ‘Hindi, nag-drive ako.’

“Ganun ang pagkakuwento niya kasi alam niya magpa-palpitate ako.”

Kahapon, January 26, ay inoperahan na raw si Arthur sa Las Piñas Doctors Hospital.

Ayon kay Rochelle, “Kasi may kaibigan sila na doctor, e, para makamura.

“Mahal kasi kapag sa mamahaling ano, ‘di ba?

“Hindi naman ganun kalaki yung kinikita namin para lahat, e, mauwi lang talaga sa ospital.

“Hindi na nga humingi ng PF [professional fee] yung doktor kasi nga kaibigan.”

Hihinto ba munang magtrabaho si Arthur?

Sabi ni Rochelle, “Depende kung kaya niya.

“Sabi ng doktor kagabi [January 25], six to eight weeks daw yung kailangan niyang ipahinga, ihiga.”

Raket daw ang basketball na sinalihan ni Arthur kung saan ito naaksidente.

“Parang raket, hindi ko po alam… parang raket.

“Maliit lang, kasi kaya naman pumapayag si Art diyan, kasi basketball ‘yan.

“Hindi dahil katuwaan, hindi pustahan, dahil basketball ‘yan.

“Gusto niyang mag-basketball kasi malakas siya.

“Kumbaga, usapan ng lalaki, lagi siyang nasa ilalim ng ring, nakikipagbungguan talaga siya dun, kasi malakas ang stamina niya.”

Pero iyon nga, naaksidente ito.

“Kasi nag-drive siya, pag-drive niya daw, lahat ng weight niya, napunta sa kaliwa.

“Ang alam niya, pumilipit,’ tapos ibinalik niya bigla!

“'Tapos napaganun siya, medyo napasigaw daw siya, akala niya talaga putol.

“’Tapos nakita niya, pagtayo niya, nailakad pa daw niya, ‘Hindi, okay pala,’ sabi niya. ‘Baka maga lang ito.’

ADVERTISEMENT - CONTINUE READING BELOW

“Iyon pala, yung litid niya, humiwalay na yung litid sa buto.”

Hindi na makakapag-basketball muli si Arthur?

“As of now. Pero babalik po siya mga five months.

"Alam mo yun, hindi 'yan mapipigilan.

“After five months, six months, babalik ‘yan.”

Nakausap ng PEP si Rochelle sa taping ng Ang Lihim Ni Annasandra, sa Wawa River, Montalban, Rizal, kahapon, January 26.

Bago raw pumunta si Rochelle sa taping ay galing siya sa ospital.

“After ko dito, babalik ulit ako sa ospital,” sabi ng dancer-actress.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN