Devon Seron wants to work again with former loveteam partner James Reid

Bago pa man sumikat ang tambalang James Reid at Nadine Lustre, nauna munang sumikat ang loveteam ng hunky actor sa dating ka-housemate niya sa Pinoy Big Brother: Teen Clash 2010 na si Devon Seron.


Payag daw ang Star Magic talent na si Devon Seron na makatrabaho ang sikat na loveteam ngayon na sina James Reid at Nadine Lustre.

Matatandaang unang naging ka-loveteam ni James si Devon pagkatapos nilang maging housemates sa Pinoy Big Brother: Teen Clash 2010, kung saan ang Kapamilya hunk ang itinanghal na Big Winner at 4th Big Placer naman si Devon.

Pagkalabas nila ng Bahay Ni Kuya ay pinagtambal sila sa ilang shows ng ABS-CBN, ‘tulad ng Shoutout! at Good Vibes.

Nanalo rin ang tambalan nila (JaDe/JaVon) bilang Best Love Team sa ASAP Tween Popsies, kung saan naungusan pa nila ang tambalan nina Kathryn Bernardo at Daniel Padilla (KathNiel).

Noong nakaraang Valentine’s Day, February 14, ay nakipag-bonding si Devon sa kanyang fans sa Twitter (@devonseron17) gamit ang hashtag na #askdevon.

Isa sa mga tanong ng fan na sinagot niya ay kung gusto niya bang makatrabaho muli si James kasama si Nadine Lustre.

Sagot dito ni Devon:

Ngayong nasa iisang network na muli sina Devon at James ay mas malaki ang tsansang magsama sila ulit, pati na si Nadine.

Huling napanood si Devon sa teleseryeng Moon of Desire at kasalukuyang busy sa out-of-town shows at TV guestings.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN