Harry Potter star Emma Watson denies dating Prince Harry

No, it’s not true. This was what Emma Watson basically said about the rumor that she is secretly dating Prince Harry.


Sinagot na ng Harry Potter star na si Emma Watson ang lumabas na balitang sikreto raw silang nagde-date ni Prince Harry ng England.

Sa pamamagitan ng kanyang Twitter account (@EmWatson) ay pinabulaanan ng 24-year-old British actress ang kumalat na balitang nagde-date sila ni Prince Harry.

Sabi ni Emma: "WORLD Remember that little talk we had about not believing everything written in the media?!"

Dagdag pa niya, "also..... marrying a Prince not a prerequisite for being a Princess."

Nag-post din ang aktres ng link sa isang eksena ng 1995 movie ni Alfonso Cuaron na A Little Princess.

Marami ang nag-react sa balitang "secretly dating" sina Prince Harry at Emma dahil tila isa na namang fairytale romance ang masasaksihan ng publiko.

Pero para naman sa iba, mas gusto nila na ang makatuluyan ni Emma ay ang isang pang Harry—si Harry Potter, ang karakter na ginampanan ni Daniel Radcliffe sa Harry Potter movie series, kung saan gumanap namang Hermione Granger si Emma.

Last year ay napabalita ang pakikipag-break ni Emma sa kanyang dating boyfriend na si William Adamowicz, na nakilala niyang noong kapwa pa sila nag-aaral sa Oxford University sa United Kingdom.

Si Prince Harry, 30, naman ay ilang beses nang naugnay sa iba't ibang babae, ngunit dalawa lamang daw ang naging official girlfriends niya—ang Zimbabwean lawyer na si Chelsy Davy at ang aktres na si Cressida Bonas.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN