Ayon kay Michael de Mesa, loveless pa rin at focused sa jiujitsu training ang anak niyang si Geoff Eigenmann.
Si Geoff ang ikalawa sa tatlong anak ng aktor sa dati niyang asawa na si Gina Alajar; ang dalawa pa ay sina Ryan at AJ Eigenmann.
“Geoff is single... very, very passionate now about his jiujitsu.
“He just got promoted to blue belt.
"And he’s very, very passionate about that, sila ni Timmy," sabi ni Michael.
Timmy ang palayaw ng aktor na si Sid Lucero, isa sa mga anak ng pumanaw na kapatid ni Michael na si Mark Gil.
Nalungkot ba si Michael sa breakup ni Geoff at ng ex-girlfriend nitong si Carla Abellana? Nagalit ba siya kay Carla?
Paglilinaw ni Michael, “No, no, I don’t hate Carla… whatever happened between the two of them was between the two of them.”
Wala raw problema kay Michael kung sakaling may isang drama series na magkakasama sila ni Carla.
“Trabaho is trabaho... we’ll see, we’ll cross the bridge when we get there.
“Work is work, yung personal stuff nila is between them.”
KUDOS TO KEN. Nakausap ng PEP.ph (Philippine Entertainment Portal) si Michael sa presscon ng afternoon series ng Destiny Rose last week.
Sa naturang GMA drama series ay gumaganap siya bilang bading na si Rosauro Armani Vitto, mentor ni Destiny Rose played by Ken Chan.
Nagagalingan daw si Michael kay Ken bilang artista.
Saad ng beteranong aktor, “I’m quite impressed, kasi for a newcomer like Ken, it’s easy to fall into that trap of playing a gay character na maging caricature.
“Pero with Ken, hindi ko nakita yung pagiging gay, e. What I see is a girl!
“And for a newcomer who doesn’t really have that much acting experience, I’m impressed, I was impressed.
“So, I think that boy will go a long way kasi he’s open, e.
“I mean, I take my hat off to actors who do these kinds of roles, they’re very open and they’re very secure about themselves.
"Hindi katulad ng iba na siguro may itinatago or whatever."
GAY ROLE. Dahil ilang ulit na siyang gumanap ng gay role, hindi ba nagsabi si Michael sa GMA na iba naman ang ibigay sa kanya?
Sagot niya, “Hindi naman, kasi every role, even though the character is gay, I always treat it as something new.
“Iba-ibang levels naman 'yan, e, like this one in particular, it’s medyo new for me.
“Yung pagka-gay ko dito is different in the sense na, deep inside, my dream is also to become like Destiny Rose.
“I couldn’t do that because of my position in society and all that.
“So, when I met Joey [karakter ni Ken bago naging Destiny Rose], nakita ko yung sarili ko sa kanya.
“That’s why all out yung ibinigay kong support ko sa kanya.
“Ako yung naging adviser niya, ako yung parang the father he never had.
"Ako naman, yung tingin ko sa kanya is like the daughter I never had.
“Kumbaga, longing for family also.”
Kasama rin si Michael sa Magpakailanman episode na "Ang Ganda Na Di Nakikita," na ipapalabas sa Sabado, September 19, sa direksiyon ni Mark dela Cruz.
FREELANCER. Exclusive contract artist na ba ng GMA si Michael?
Sabi niya, “To be honest, yung aking exclusive contract with GMA had expired after Once Upon A Kiss.
“That was my last soap sa exclusive contract, and then now, I really didn’t expect GMA would offer Destiny Rose to me.
“But I’m really happy that they did, and I’m really happy that I’m still with GMA.
“Sa ngayon, freelancer ako, yes.”
Ang manager niya ay si June Rufino.