Pokwang’s American boyfriend decides to stay in the Philippines for good

Pokwang on her American boyfriend Lee O'Brian: “Gusto raw kasi niyang mapag-aralan at matutunan ang ating kultura. O di ba, ang lalim? Siyempre, isa rin sa gusto niyang matutunan ay kung paano tayo nagsi-celebrate ng Pasko. Excited akong maturuan siya noon—pagsimbang gabi, pagkain ng puto bumbong, mga ganyan. Papanoorin niya ang mga batang nagka-caroling."


Sa Pilipinas magpa-Pasko ang American actor-boyfriend ni Pokwang na si Lee O’Brian.

Kuwento ng Kapamilya star, “Gusto raw kasi niyang mapag-aralan at matutunan ang ating kultura. O, di ba, ang lalim?

"Siyempre, isa rin sa gusto niyang matutunan ay kung paano tayo nagsi-celebrate ng Pasko.

"Excited akong maturuan siya noon—pagsimbang gabi, pagkain ng puto bumbong, mga ganyan.

"Papanoorin niya ang mga batang nagka-caroling.

“Sabi ko nga sa kanya, kapag may mga batang nagka-karoling, siya ang mag-abot [ng pera] para maramdaman naman niya.”

May plano na raw si Pokwang kung ano ang ipapatikim sa kasintahan sa Noche Buena.

“Yung mga paandar kong mga kiyeme.

"Pero siyempre, bilang ano, hindi ko pa rin puwedeng alisin yung nakasanayan niya na hinahanda nila pag Christmas, yung pa-turkey.

“Dati, hindi ko alam kung paano lutuin ‘yan. Kalapati lang ang alam ko!”

Nakausap ng PEP.ph (Philippine Entertainment Portal) si Pokwang sa presscon ng kanyang 2015 Metro Manila Film Festival entry na All You Need is Pag-ibig, noong Martes, December 8.

LEE TO STAY IN THE PHILIPPINES. Inamin ni Pokwang na natensiyon siya sa desisyon ni Lee na mamalagi sa Pilipinas.

“Siyempre na-rattle ako. Pero may kilig ng konti.

"E, wala, e. Pag-ibig, e," sabi ng komedyana.

Nag-speculate ang media tungkol sa estado ng love life ni Pokwang nang ipakita niya ang kanyang singsing.

Kahit sinabi ni Pokwang na nagbibiro lang siya, hindi pa rin ito agad pinaniwalaan ng press.

Giit ni Pokwang, “Joke lang yun. Ayan, katutubos ko lang!

“Maglilihim ba ako sa inyo? Yung mga ganoong happiness sa buhay ko, hindi ko dapat ipinagdadamot, di ba? Isini-share ko yun.

“Alam ko namang maraming nagdasal para magkaroon ako ng love life, para matuloy ito.

“So, kumbaga, bakit kailangan kong isikreto? Unfair naman sa mga taong nagdasal para sa akin.

“Pag dumating yun, malalaman at malalaman ninyo.”

ADVERTISEMENT - CONTINUE READING BELOW


MARRIAGE TALKS. Inamin ni Pokwang na napag-uusapan na nila ni Lee ang kasal, pero hindi pa raw ito nakatakda sa ngayon.

“Nandoon kami sa stage na masaya kami. Alam mo yung enjoy-enjoy?

"Kilalanin muna namin ang mga sarili namin. Tayo ba talaga? Hirap, e.

“Alam mo, magastos ang kasal, ‘no? Tapos mauuwi din pala sa wala.

"So, kailangan kamado ninyo ang isa’t isa."

Pero nararamdaman daw ni Pokwang ang pagnanais ni Lee na maging isa silang pamilya.

“Basta, hindi ko ililihim 'yan. Darating tayo diyan,” pangako ng komedyana.

Alin ang mauuna: anak o kasal?

Mabilis na sagot ni Pokwang, “Kahit ano. Huwag nang aarte-arte.”

Hindi raw problema sa kanila ni Lee kung saan sila maninirahan, kung dito sa Pilipinas o sa Amerika man.

Paliwanag ni Pokwang, “Pag nagmamahal ka, kailangan ninyong mag-adjust para sa isa’t isa.

"Kung gusto niya doon [Amerika], e, di doon tayo.

"Kung gusto niya dito, e, di dito kami. Ganun talaga yun.”

Willing siyang mag-relocate ng tirahan?

Sagot niya, “Oo, nagmamahal ka, e.

"Pero hindi naman basta-bastang iiwanan mo ang showbiz nang bonggang-bongga.

"Hindi naman tayo mga bata na... alam mo na.”

LEE’S ADUSTMENTS TO PHILIPPINE WAYS. Ang anak niyang si Mae ang isa sa pinakaimportanteng tao na ikinukunsidera ni Pokwang sa kanyang magiging desisyon.

Ayon sa komedyana, naiintindihan ni Mae ang kanyang love life.

“Disinuwebe na ang anak ko. So, naiintindihan na niya ang mga bagay-bagay.

"Basta huwag lang faw akong sasaktan. Ako raw ang tangi niyang kayamanan.

"Ganun ang iniisip ng anak ko."

Dagdag niya, “Magkasundung-magkasundo silang dalawa [Mae at Lee]. Inaapi nila ako.”

Sa loob ng 17 years na pagiging single, ngayon lang daw uli nagtiwala si Pokwang sa isang lalaki.

Ano ang nakita niya kay Lee at ibinigay niya ang kanyang pag-ibig dito?

Sagot ni Pokwang, “Kasi nakita ko sa kanya yung sincerity na hinahanap ko.

ADVERTISEMENT - CONTINUE READING BELOW

“Saka nakakatuwa yung adjustments na ginagawa niya. Yung mga effort na ginagawa niya.

"Hindi biro yung mga effort na ginagawa niya.

"Yun bang iwanan mo ang bansa mo na hindi mo alam kung ano ang haharapin mo dito sa Pilipinas.

"Yun lang, malaking sakripisyo na because sa pag-ibig."

Hindi ba nahirapan si Lee mag-adjust sa Pilipinas?

Sabi ni Pokwang, “Ganun talaga. Willing siyang matuto.

"E, nagmamahalan. Ganun talaga yun.

“Parang dati sa nakaraan ko. Hindi ako marunong mag-Japanese, kailangan kong mag-aral.”

Nagustuhan din ni Pokwang ang pagkakaroon ni Lee ng malawak na pang-unawa.

Saad ng komedyana, “Ang kagandahan lang sa kanya, napaka-open minded.

"Alam mo naman ang mga Afam [foreigner], di ba? As long as may time kayo sa isa’t isa.”


ATTENDING TO MOM. Ang isa pang sentro ng atensiyon ni Pokwang ngayong Pasko ay ang kanyang ina, na nakararanas na ng dementia.

Ayon kay Pokwang, kung mayroon siyang natatanging gustong regaluhan, ito ay ang kanyang ina.

“Kasi gusto niyang pumunta ng Bicol.

"Kasi sa sitwasyon niya ngayon, medyo nagsi-second childhood na siya, yung dementia.

“Matagal ko nang ipinangako sa kanya.

"Recently, nag-usap kami. Gusto niya sa Bicol.

"Gusto niyang makita ang Mayon Volcano... hindi ba active?

"Siyempre, sobrang busy natin. Medyo hindi ko nahaharap.

"Gusto niyang makita ang Mayon.

“So, yung nanay ko lang muna. Siya muna ang priority ko sa mga gift-giving.”

Sa bahay nila sa Antipolo magpa-Pasko si Pokwang at ang kanyang pamilya kasama si Lee.

Lilipad sila patungong Coron, Palawan sa January 1 para magbakasyon.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN