Nagbigay ng mensahe si Miss Universe 2015 Pia Alonzo Wurtzbach ngayong Pasko para kay Miss Colombia Ariadna Gutierrez at pageant fans na nag-aaway pa rin sa nangyaring insidente sa 64th Miss Universe pageant.
Lumikha ng away sa pagitan ng mga panig kay Pia at Ariadna ang pagkakamaling nagawa ng host na si Steve Harvey nang ianunsiyo niya noong una na si Miss Colombia ang nanalo at first runner-up si Pia.
Subalit nag-sorry siya pagkalipas ng ilang minuto at itinama na si Miss Philippines ang Miss Universe at si Miss Colombia ang first runner-up.
Kung pagbabasehan ang social media at comments kaugnay ng insidente, hindi pa rin humuhupa ang tensiyong idinulot ng nangyari.
Kaya naman ngayong araw ng Pasko, December 25, nag-post ng mensahe si Pia para kay Miss Colombia at mga fans.
Pahayag ng bagong Miss Universe, “To Ariadna, you are an amazing woman and we are now bonded together forever by a unique experience.
“In the last 3 weeks we were together, I saw how strong and beautiful you are inside and out.
“You represented your country with honor and I know how proud everyone must be of you.
“Fate has a plan for you, and I’m excited to see what’s ahead."
Isang panawagan din ang ibinigay ni Pia para sa mga fans nila na patuloy ang pag-aaway.
“And to all the fans who are still fighting about this…Please let's all stop now.
“The Miss Universe Organization is about uniting empowered women from all over the world.
"Arguing and sending hateful messages to each other defeats the whole purpose.
"You believe in the message of Miss Universe and so do I.
“Again, thank you for the love.”
Sa Facebook page ng Miss Universe, inulan ng positibong reaksiyon, Pilipino man o hindi, ang post na ito ni Pia.
BEST CHRISTMAS GIFT EVER. Nasa New York na ngayon si Pia, na lumipad mula sa Las Vegas, at sinabi niyang excited na siya upang simulan ang kanyang responsibilidad bilang Miss Universe.
Aniya, natanggap niya ang pinakamagandang regalo ngayong Pasko at para sa kanyang mga kababayan.
“Wow. Words can't describe how grateful I am for this. It was quite a journey getting here with 3 attempts at winning Miss Philippines.
“Now, I finally got the best Christmas gift ever – and not just for me, for my country.
“I'd like to say thank you to everyone who believed in my potential and those who supported me from the beginning. To everyone who voted for me, especially to my fellow countrymen, thank you. Maraming salamat po sa inyong lahat. I'm excited to begin my duties as Miss Universe and I wish everyone, all the contestants and all the supporters a great holiday with their loved ones.
“Happy Holidays and let's look forward to a great start to the new year!”