Gina Alajar amazed by Maine Mendoza's huge following: "Ikaw na nga, Meng!"

After posting a photo with Maine Mendoza on Instagram, actress-director Gina Alajar garnered thousands of likers and new followers.


Saksi ang beteranang aktres at direktor na si Gina Alajar sa malakas na following ng phenomenal star na si Maine Mendoza nang mag-post siya ng larawan nila sa Instagram.

Ipinost ni Gina sa kanyang Instagram account ang litrato nila ni Maine nitong Martes, April 12.

Sa caption ng actress-director, ibinahagi nitong tinuruan niya ang Kalyeserye star sa loob ng isang araw.

Tinawag pa niyang “sweet girl” si Maine.

Hindi naman nagdetalye si Gina kung ano ang itinuro niya kay Maine, pero kalimitang puntahan si Gina ng mga artista bilang acting coach.

Caption ni Gina sa nasabing photo:  “My student for today... Such a sweet girl!”

My student for today... Such a sweet girl!

A photo posted by Gina Alajar (@ginalajar) on

Bumuhos ang mga mensahe sa comments section ng nasabing post, na karamihan ay mula sa mga tagasuporta ni Maine.

Hindi naman naiwasang mamangha ni Direk Gina sa likers ng kanyang photo, na habang isinusulat ang balitang ito ay umabot na ng higit sa 8,000.

Comment ng actress-director : "Hay naku!!! Ngayon lang nag 1k plus ang post ko!!! Ikaw na nga Meng!!!"

Kung pagbabasehan mga previous post ng beteranang aktres, karamihan sa mga ito ay higit sa 100 lamang ang likes.

Muling nag-post ng isa pang comment si Direk Gina na nagpapahiwatig ng kanyang pagkamangha sa dami ng likers ng photo nila ni Maine, na umabot ng 6,000, kahit wala pang isang araw at nadagdagan pa ng 14,000 followers.

Nagpasalamat naman si Direk Gina sa mga nag-like at bagong followers niya.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN