Judy Ann Santos recounts surprise Hong Kong trip with hubby Ryan Agoncillo

Judy Ann Santos gleefully recounts her surprise trip to Hong Kong last Wednesday, June 8, which was meticulously planned by her hubby Ryan Agoncillo: "Iyak ako nang iyak kasi ... the thought of, you know, yung extent ng effort, at tsaka yung trip namin, talagang ano lang siya, para kaming mag-boyfriend!"

 


Nagmistulang magkasintahan sina Judy Ann Santos at Ryan Agoncillo nang “itakas” ni Ryan ang misis nito sa isang sorpresang trip sa Hong Kong.

Naganap ang napaka-sweet na gesture ni Ryan para kay Judy Ann noong Miyerkules, June 8.

At sa isang eksklusibong panayam [sa shooting ni Judy Ann kahapon, June 11, sa Marcos Highway para sa Cinemalaya 2016 entry na Kusina) ay ikinuwento sa amin ng aktres ang mga naging kaganapan.

“Wala, sinurprise lang ako ni Rye,” umpisang kuwento ni Judy Ann.

“Wala, walang okasyon.

“Basta nasa Batangas kami nun [sa vacation house nila doon] tapos tinanong niya lang ako, ‘What are you gonna do on Tuesday?’

“First day of classes ng mga bata. Sabi niya,‘O sige, free up your Wednesday.’

‘Sabi ko, ‘Okay!’

“Tinatanong ko, ‘Saan tayo punta?’ ‘Basta.’

‘Anong sasakyan natin, motor o kotse?’ ‘Basta.’

“Kasi kailangan ko naman mag-prepare.

“Hindi ako puwedeng basta lang aalis ng hindi ko alam kung saan ako pupunta, ang hirap mag-prepare ng damit.

“Kasi kung motor, wala akong jacket pang-motor, yung pang-safety na jacket.

“So sabi niya sa akin, ‘O sige, free up your Wednesday.’

“Tuesday, bago siya umalis, kasi sabi ko sa kanya, ‘I’m gonna go to Aivee’s [Aguilar-Teo, ang sikat na celebrity beauty doctor] clinic today before I pick up the kids.

“Sabi niya, ‘You might want to get a nice traveling dress.’

“Sabi ko, ‘Why?’

“Sabi niya, ‘I booked us a reservation at Joel Robuchon.’ Sabi ko, ‘Saan?’ ‘In Hong Kong!’

“Sabi ko, ‘What?! Talaga?!

“Sabi niya, ‘Oo!’

Si Joel Robuchon ay isang sikat na French chef at restaurateur.

May mga pag-aari itong restaurants sa iba’t ibang panig ng mundo tulad ng Bangkok, Bordeaux, Las Vegas, London, Macau, Monaco, Paris, Singapore, Taipei, Tokyo, at sa Hong Kong.

Mahirap umanong makakuha ng reservation sa mga restaurants ng nabanggit na chef.

ADVERTISEMENT - CONTINUE READING BELOW

Pagpapatuloy pang kuwento ni Judy Ann, “Sabi niya, ‘Alis tayo ng 7:15 AM tapos babalik tayo ng gabi.

“Sabi niya, ‘Pupunta lang talaga tayo dun para kumain. Sabi ko, ‘Okay!’

“E, si Joel Robuchon matagal ko nang gustong kumain sa kanya kasi nga, three-star Michelin chef siya, e.

“Kumbaga, gusto mong matikman yung ginagawa niya. E, nasa Hong Kong siya,” ang tumatawa pang kuwento ni Judy Ann.

“So pagdating namin dun, twelve thirty ang reservation namin, so naglalakad kami, sabi niya, ‘O, you might want to walk fast.’ Sabi ko, ‘Why?’

“Sabi niya, actually si Joel Robuchon, on the side lang 'yan, para lang pampalipas-oras. Meron pa talaga tayong ibang gagawin dito sa Hong Kong. Sabi ko, ‘Ano yun?’

“Sabi niya, ‘Basta.’

So hinanap namin yung IFC Mall [International Finance Centre] kasi dun yung sinasabi niya, ‘We have to to to IFC Mall.’

“So pagdating namin sa IFC Mall, ‘O, let’s look for the Godiva store.’

“So nagtanong kami kung saan ang Godiva store.

“Pagdating namin sa Godiva store, meron na siyang nilapitan na babae, nag-shakehands sila, tapos lumapit sa akin yung babae, sabi niya, ‘Hi, I’m Tippy’s friend, I’m Louise.’

“Sabi ko, ‘Oh, hi!’

Si Tippy Fernandez ay personal secretary ni Judy Ann.

“Tapos, may binigay siya sa aking paper bag. Inabot niya kay Rye, tapos binigay niya sa akin.”

Ang laman ng paper bag ay black truffles, na ayon sa Wikipedia ay, “Tuber melanosporum, called the black truffle, Périgord truffle or French black truffle, is a species of truffle native to Southern Europe. It is one of the most expensive edible mushrooms in the world.”

“Yung black truffles na yun, ang tagal-tagal ko nang gustong makakita.”

Dati raw ay nakakita na si Judy Ann nito.

“May nagbigay kay Chef Gene [Gonzalez], piniktyuran ko, sinend ko sa kanya [Ryan]. Sabi ko,

ADVERTISEMENT - CONTINUE READING BELOW

‘Nakakita na ako ng black truffles!!!’

“Nagwawala ako, ‘Black truffles, black truffles!’

“E, matagal ko ng gustong subukang magluto ng black truffles.

“Yung black truffles na yun, seasonal lang siyang dumarating pala sa Hong Kong.

“Nagpatanong siya kay Tippy kung saan puwedeng makakuha ng black truffles so since meron sa Hong Kong… kaya pala niya gustong umalis ng Tuesday kasi baka mawala na yung scent ng black truffles.

“Kasi nga seasonal lang siya, summer truffles siya. Meron pang ibang truffles na dumarating sa Hong Kong pag winter.

“Naiyak ako! Naka-make up pa naman ako, sabi niya, dapat akong mag-ayos, kasi Joel Robuchon yun, e.

“E, yung ginamit ko pa namang eyeliner hindi waterproof,” at tumawa si Judy Ann.

“Aba malay ko ba namang iiyak ako, noh?

“Iyak ako nang iyak kasi not only for the black truffles but the thought of you know, yung extent ng effort, at tsaka yung trip namin, talagang ano lang siya, para kaming mag-boyfriend!

“Yung naka-trolley lang kami, lakad lang kami nang lakad, tapos train lang, walang hotel.

“Train, walang taxi. Train kami, lakad, kain, ikot konti, train, balik-airport.

“Ganun lang.

“Nakapangasawa ako ng rock star e,” pagtukoy pa ni Judy Ann sa sweetness at effort ng kanyang mister.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN