Tila nagpapahiwatig si Sunshine Dizon na nanatiling matatag ang kanyang loob sa tulong ng dalawa niyang anak.
Kaugnay ito ng ispekulasyong may pinagdaraanang matinding pagsubok ang relasyon ni Sunshine at ng kanyang mister na si Timothy Tan.
Sa kanyang Instagram post ngayong Sabado, June 17, nagbahagi si Sunshine ng kanyang larawan kasama ng dalawang anak na may edad na lima at apat na taong gulang.
Makikitang nakangiti ang dalawang anak ng Kapuso actress habang suot ang kanilang magkahawig na relo.
Sabi ni Sunshine sa maiksi ngunit malaman niyang pahayag, “At the end of the day I will always have you two, and it will all be worth it.
“Keep your heads up. Mama will protect you.
“Keep your heads up and have pride knowing you will always be loved.”
Bago ito ay nagbahagi rin si Sunshine ng matalinhagang quote cards tungkol sa mga taong manlilinlang at walang puso.
Narito ang isa pang ibinahaging quote card ni Sunshine:
MSYTERY WOMAN? Sa ngayon ay hindi malinaw kung ano ang dahilan sa likod ng hiwalay na Instagram posts ni Sunshine kaugnay ng isang non-showbiz woman.
Read: Sunshine Dizon posts cryptic message about mystery woman
Gayunpaman, patuloy ang pagbigay ng suporta ng Instagram followers ni Sunshine sa gitna ng kung ano mang pinagdaraanang pagsubok ng aktres ngayon.
Bukas ang PEP sa anumang pahayag ni Sunshine at ng iba pang sangkot sa isyu.
