Pokwang reveals adjustments in relationship with American boyfriend

IMAGE Noel Orsal

Pokwang gloats that her boyfriend Lee O'Brian is living the Filipino way of life, saying, "Pag mahal mo ang isang tao, mag-a-adjust ka, di ba?"


Masaya raw ang buhay ngayon ni Pokwang sa piling ng kanyang American boyfriend na si Lee O’Brian.

Ayon kay Pokwang nagbunga nang maganda ang matagal niyang paghihintay ng pag-ibig.

Sabi nga niya tungkol kay Lee, “Masaya lang talaga at saka natutuwa ako sa kanya.

“Marami siyang natutunan sa mga bagay-bagay.

“Pag mahal mo ang isang tao, mag-a-adjust ka, di ba?

“Kagaya niyan, um-adjust siya nang bonggang-bongga doon sa kultura natin.”

May isang taon na raw naninirahan sa bansa si Lee, pero may mga pagkakataong umuuwi rin ito saglit sa Amerika.

Sila nga ngayon ang madalas magkasama sa mga trip abroad ni Pokwang.

Ibinalita rin ni Pokwang na nakilala na niya nang personal ang mga magulang ng kasintahan.

“Ang babait naman, nakakatuwa sila,” sambit niya.

Nilinaw rin ng komedyana na wala sa pagkikitang iyon ang usaping pagpapakasal, bagamat bukas siya sa posibilidad na maging asawa ang American actor.

Pasubali niya, “Hintayin natin, kaya lang ngayon ang saya lang namin kapag magkasama.”

Nakapanayam ng PEP.ph (Philippine Entertainment Portal) si Pokwang matapos ang presscon proper ng bagong teleserye ng ABS-CBN na Till I Met You, na ginanap sa Le Reve Events Place, Quezon City, nitong Linggo, August 28.

Bida sa bagong teleserye sina James Reid at Nadine Lustre.

IMMERSION. Napag-uusapan naman daw nila ni Lee ang pagpapakasal, hindi lang nila mailatag ito dahil sa sunud-sunod na trabaho ni Pokwang.

Paliwanag niya, “Katulad niyan, kakaumpisa ko pa lang nitong serye namin.

“Siyempre, alam niya ang responsibilidad na dapat kong ayusin, may anak pa akong pinag-aaral, isang taon.”

Maliban sa Till I Met You ay regular ding mapapanood si Pokwang sa Banana Sundae.

“Kasama yun sa ginagawa niyang adjustment para sa love.”

Ano ang mga ito?

Sabi ni Pokwang, “Unang-una nag-aral siya ng Tagalog, talagang twice a week uma-attend siya ng lesson, hirap nun.

ADVERTISEMENT - CONTINUE READING BELOW

“Tapos nagku-commute siya, gusto niyang matuto nang simpleng buhay ng Pinoy.

“One time, nag-tricycle siya, nag-jeep siya, ako ang natatakot para sa kanya.

“Pero sabi niya, ‘No, kailangan kong matutunan din ito, ma-experience.’

“Gusto niyang malaman kung bakit umiinot ang ulo ng mga Pilipino sa trapik.”

Komento tuloy ni Pokwang, “Ano ito, pulitiko rin siya? Gusto niyang ma-experience.

“Enjoy din naman siya, kaya lang alerto rin siya, kasi alam mo naman ang panahon ngayon.

“Sobrang takot ako para sa kanya.”

NEW STATUS. Si Pokwang din daw ay nag-adjust sa panibagong buhay niya, hindi na kasi siya single.

“Tinanggap ko na may katabi na ako sa pagtulog, nag-adjust na rin ako sa pagkain.

“Kasi ako dati, Kete-kanin-Kete-kanin, si Lolo mo [Lee] duma-diet-diet.

“Siyempre, sasabayan mo yun… ang resulta, model na ako ngayon.”

Payat na nga ang pangangatawan ni Pokwang ngayon at saka “umi-English… para magkaintindihan kayo.”

Dagdag pa niya, “Nakakapag-init ng ulo, kailangan mong umaayos.

“Nasanay na ikaw ang ina-adjust-an, ngayon kailangan ikaw ang um-adjust.

“Hanggang maaari, iniiwasan ko yung language barrier.

“Kaya lang, pag galit ka, hindi mo ma-express ang sarili mo, pag galit ako, lumalayo na lang ako.

“Ang Tagalog niya, lumalabas pag gusto niyang maglambing nang bonggang-bongga.

“Yun bang, ‘Mahal na mahal kita.’ ‘Babe, gutom na ako, kakain na tayo?’

“Mahilig siyang magluto, nakakapagluto siya, in fairness.”

Isa pa raw sa ikinaaaliw ni Pokwang kay Lee, “Mahilig siyang magbutingting.”

Nangingiting kuwento pa niya, “Puwede nga lang pinturahan niya ang buong bahay… ganun siya.

“Sabi ko, ‘Oy, umuulan, huwag kang makialam.’”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN