Sa kabila ng isyu ng hiwalayan tungkol kina Gab Valenciano at Tricia Centenera, patuloy naman ang maayos na relasyon ng huli sa pamilya Valenciano.
Sa baby shower na inihanda ng Aprica kahapon, September 10, para sa asawa ni Paolo Valenciano na si Samantha Godinez-Valenciano, makikita ang pagiging malapit ni Tricia sa mag-asawa at sa nakababatang kapatid ng una na si Kiana.
Sa maiksing panayam ng PEP.ph (Philippine Entertainment Portal) kay Tricia, sinabi niya na hindi naman naapektuhan ng isyu ang relasyon niya sa pamilya Valenciano.
“Definitely not,” sabi ni Tricia.
“Paolo, Sam, Kiana, Mama and Papa, they'll always be my family.
“You know, Gab and I will be what we will be.”
Pagkatapos nito ay tumanggi nang magbigay ng anumang pahayag tungkol sa isyu si Tricia.
“I'd rather not talk about that at all. We'll deal with it within the family,” aniya.
GAB IS GOING THROUGH SOMETHING. Sa hiwalay na panayam kay Paolo, inamin niya na may pinagdadaanan ngayon ang kanyang nakababatang kapatid.
Ngunit aniya, “You know, we try not to get involved with the problems of Gab and Tricia. But, you know, Gab is clearly going through something.”
Sa kabila nito, nagpahayag naman ng suporta sina Paolo, at asawa niyang si Samantha, sa sister-in-law niyang si Tricia.
Ani Paolo, “From our end naman, we want to be supportive also kay Tricia because she's here without her family, her whole family is in Australia.
“Whatever happens to the two of them, we made it clear to Tricia that we'll be here for her. Sam and I are gonna be there to support them.
“Whatever Gab decides or whatever they both decide, we'll be there for the two of them. But Tricia is definitely family na.”
Umaasa si Paolo na malalagpasan ng kanilang pamilya ang bagong pagsubok na ito sa kanilang buhay.
“We've gone through a lot of problems as a family and I'm quite confident that we'll get through this also,” sabi ni Paolo.
“Actually, we don't look at her as a sister-in-law, parang sister na talaga siya. Even my dad has been very supportive of her.
“We really try our best to make sure that she gets through this in one piece.
“It's tough, you know. We can't really do anything about that. It's life.”