Kasalukyang nasa Pilipinas si Miss Universe 2015 Pia Wurtzbach upang ipagdiwang ang kanyang kaarawan at para na rin sa events ng mga iniendorso niyang produkto.
Nitong September 24 ang 27th birthday ni Pia.
Kahapon, October 2, muling nagbigay ng update ang Pinay beauty queen sa live feed nito sa Miss Universe Facebook Page tungkol sa planong gawin ang Miss Universe pageant dito sa bansa.
Nitong July ay kinumpirma ni Department of Tourism Secretary Wanda Corazon Teo na sa Pilipinas gaganapin ang nasabing beauty pageant.
Pahayag ni Pia sa kanyang FB post, “I'm really hoping and praying that the pageant will be held here and we're working very hard in making that happen.
“The Miss Universe Organization, you know, it's always been a dream of mine to have the pageant here.”
Ayon pa kay Pia, maging ang presidente ng Miss Universe Organization na si Paula Shugart ay nagnanais din na sa Pilipinas ganapin ang naturang pageant.
“Paula, the president of Miss Universe, it's always been a dream of hers as well to have the pageant here.
“It's kind of like everybody's dream. We want the pageant to be in the Philippines.
“We're waiting, working hard, and making sure everything's okay.
“We'd get the approval of everyone so that it can finally happen.
“I'm keeping my fingers crossed and if that happens, it's gonna be historical.”
Pagtatapos niya, “I may not have had my first walk but I will have my final walk here, at home.”
ANGEL'S GIFT. Samantala, sa unang bahagi ng live video, nabanggit ni Pia na nagpadala ang Kapamilya actress na si Angel Locsin ng mga bulaklak bilang regalo sa kanyang birthday.
“I got this really awesome flower arrangement from Angel Locsin and she sent me a really sweet card, as well.
“So, thank you Angel! I haven't seen Angel in a while but that was very sweet of her to send me some flowers.”
27TH BIRTHDAY. Dumating si Pia sa bansa noong umaga ng kanyang birthday.
Agad naman siyang sinalubong ng isang birthday celebration kasama ang kanyang fans at ilang malalapit na kaibigan, kabilang si Pauleen Luna-Sotto.
Isa pang birthday celebration para kay Pia ang naganap nang sumunod na araw na dinaluhan naman ng ilang beauty queens, kabilang sina Miss Universe Philippines 2016 Maxine Medina at Miss Universe 2011 3rd runner-up Shamcey Supsup.