UPDATED. Sen. Tito Sotto apologizes for "na-ano lang" remark

IMAGE Noel Orsal

Humingi ng paumanhin si Senator Tito Sotto sa mga nasaktan sa kanyang komento na "na-ano lang" patungkol sa pagkakaroon ng anak sa pagkadalaga ni DSWD Secretary-designate Judy Taguiwalo. "Street joke" daw ito na hindi lang naintindihan o nakuha ng iba.


Humingi ng dispensa si Senator Tito Sotto kaugnay ng kanyang komentong "na-ano lang" patungkol sa pagiging single mother ni Department of Social Welfare and Development (DSWD) Secretary-designate Judy Taguiwalo.

“Joke” lang daw ito na hindi naintindihan o nakuha ng ibang mga tao.

Ngunit ang ibig sabihin talaga ng "na-ano" lang ay nabuntis o naanakan ang isang babae.

Sa ulat ng GMA News Online ngayong Miyerkules ng hapon, May 3, sinabi ng mambabatas, “Ang premise ko, sabi ko nga, in the street language, di ba? Yun ang biruan sa kalsada.

“That’s why kung minasama nila, I'm sorry, I apologize. They don’t understand the joke.”

“Common expression” lang din daw ito, pero kung may mga nasaktan man siya ay muli siyang humingi ng paumanhin.

Dagdag pa ng Eat Bulaga! host, "It's a common expression as a joke, but then again, I said, if they feel offended, then I'm sorry.

"I’d like to apologize for that."

Sa palagay rin ni Sotto ay hindi na-offend si Taguiwalo sa kanyang naging katanungan.

"She was ready to answer anything under the sun..." sabi ng TV host-politician.

Dagdag niya, "Ang premise ko pa nga, sabi ko, 'Senator Drilon and I noticed...

"Kaming dalawa ay naka-notice sa personal information niya... so what's wrong with asking that?"

Diin pa ni Sotto, "As I said, I will be the last person in this country to disrespect a woman."

Ito ay dahil ang kanyang ina raw ay founder ng dalawang organisasyon ng mga kababaihan.

Binanggit din ng senador na may dalawa siyang anak na babaeng hiwalay sa asawa, kabilang na rito ang singer-actress na si Ciara Sotto.

"I have two daughters who are separated, single, and have children.

"I don't think there should be any big fuss about it, but ah..."

Iginiit din ni Sotto na "street language" ang ginamit niya at ganun daw ang biruan sa kalsada.

ADVERTISEMENT - CONTINUE READING BELOW

Sa confirmation hearing ni Taguiwalo sa harap ng mga miyembro ng Commission on Appointments (CA) sa Senado kaninang umagg, biglang tinanong ni Sotto ang personal na buhay ng kalihim. 

Sabi pa niya bilang pagtukoy sa pagkakaroon ng dalawang anak ni Taguiwalo, kahit wala siyang asawa: “In the street language, when you have children and you are single, ang tawag dun, e, 'na-ano' lang.”

Ikinagalit ng maraming netizens ang hindi raw “makatao” at “walang kabuluhan” na komentong ito ng senador.

Read: Sen. Tito Sotto draws flak over "naano lang" remark about DSWD Sec. Judy Taguiwalo

Pinalagan din ng ilang personalities ang sinabing ito ni Senator Sotto.

Read: Lea Salonga, Pokwang, Janine Gutierrez react to "naano lang" remark of Sen. Tito Sotto


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN