Eric Estregan on ex-girlfriend Alodia Gosiengfiao: "I wish her the best, kasi hindi kami nagkikita. I'll forever be grateful kasi ang dami rin naming pinagsamahan."
Inamin ng newbie actor na si Eric Estregan na tatlong taon niyang naging girlfriend ang cosplayer-TV personality na si Alodia Gosiengfiao.
Si Eric ang panganay sa apat na anak ng action star at former Laguna governor na si ER Ejercito at Pagsanjan Mayor Girlie Ejercito (dating Maita Sanchez).
Almost one year na raw silang hiwalay.
Pahayag ni Eric sa PEP.ph (Philippine Entertainment Portal), “Last year lang kami nag-break.
“We just wanted... she's very nice, wala akong masasabing masama tungkol sa kanya.
“You know, past is past...”
Sino ang nag-initiate ng breakup nila?
“Next question?” nakangiting tugon ng 26-year-old commercial model.
Pero dagdag ni Eric, “Ano... we're on for three years. I guess this not the right time.
“Yeah, she's very focused on her career, and I'm just starting out.
“Im also currently busy rin with my two businesses.
“I own a gym and I opened it this year, January.
"Then I have a food business, a Filipino food resto.
“So, yun, I didn't have time for myself to grow.
“And this is the perfect time for me to go to Viva, and I'm just starting.”
Nakausap ng PEP si Eric sa contract signing nito sa Viva Artist Agency, na ginanap sa Viva Office, sa Ortigas, noong May 12.
Siya ba ang tipong lalaking puwedeng maging kaibigan ang dating karelasyon?
Tugon ni Eric, “Ako, I'm willing.
“Hindi man kami nagkikita o nagtatagpo ng landas... I mean, we never saw each other since our break up.
“I don't know really, but I'm willing.”
Mukhang mabilis siyang maka-move on?
Diin ng aspiring actor, “A, hindi naman. It took a while.
“Wala naman kasi sa gender 'yan, e. Nasa pagsasama niyo before.
“But I wish her the best, kasi hindi kami nagkikita.
“I'll forever be grateful kasi ang dami rin naming pinagsamahan.”
COMMITTED TO SHOWBIZ. Sino ang dini-date niya ngayon?
Sagot ni Eric, “Wala, wala… I've been very focused with my two businesses.
“Nung nag-establish ako ng business, ang tagal, so I have no time.
“Being in a relationship for three years, gusto ko naman na, this time, I have time for myself.
“Kaya nung mag-open ang doors nitong [pag-aartista], I grabbed it na.
"But, yeah, I have female friends."
Patuloy niya, “But right now, I'm really committed to showbiz, kasi dream ko naman talaga to go to acting.
“Madami rin akong ideas from film school and concepts na gusto kong i-translate into films.
“Like, I've seen Bela Padilla in Luck At First Sight, and I know it's her concept, so gusto kong maging katulad niya.
“Oh, ang dami kong ideas! So, yun, I'm excited.”
