Binaligtad ng Court of Appeals (CA) ang naunang desisyon ng Quezon City Regional Trial Court na nagbasura ng kaso ng ABS-CBN laban kay Willie Revillame.
Ayon sa ulat ng Manila Standard nitong Lunes, June 5, nagkamali raw ang lower court sa pag-dismiss ng P2.2-billion civil case na isinampa ng Kapamilya network laban sa TV host.
Base sa 23-pahinang desisyon ng 7th Division ng CA, na inilabas noong May 30, nagkamali ang QCRTC Branch 76 sa pagbasura ng kaso ng ABS-CBN laban kay Willie dahil sa forum shopping.
Ayon sa rotlaw.com, "forum shopping refers to the practice by some parties in some cases of deliberately searching through multiple courts or jurisdictions in order to file or transfer the case to one that is most likely to give that party the result he wants."
Saad pa ng desisyon ng CA, hindi maaring ibasura ang kaso dahil may nakabinbin pang apela ang ABS-CBN sa Supreme Court (SC).
“The trial court is perfectly aware that in dismissing the counterclaims before it on the basis of forum shopping, it would, in effect, be antecedently resolving the very question raised before the Supreme Court.
“That is, whether our Former First Division correctly declared that appellant ABS-CBN indeed engaged in forum shopping. Hence, in actually doing so, the trial court rendered moot and moribund exactly what was for the Supreme Court to decide.”
Pinaboran din ng CA ang argumento ng ABS-CBN na hindi porke’t tapos na ang kontrata ni Willie sa kanila ay hindi na sila maaaring magsampa ng reklamo laban sa TV host.
“The parties certainly stipulated that the agreement would cease to take effect on September 10, 2011. But it is clear that appellant ABS-CBN counter-sued appellee Revillame for purported violations of the agreement committed during its effectivity.
“The conclusion of the agreement cannot be interpreted as a bar which would [prevent] appellant ABS-CBN from seeking judicial recourse for violations allegedly committed by appellee Revillame during the life of the contract.”
Noong 2010, nagsampa si Willie ng P11-million damage suit laban sa ABS-CBN sa pagnanais na tuluyan nang tapusin ang kanyang kontrata sa dati niyang home network kahit may nalalabi pa itong halos isang taon.
Nag-kontra demanda naman ang Kapamilya network laban sa kanya. Kabilang dito ang P2.2-billion damage suit nila sa Wowowin host.
Wala pang pahayag ang kampo ni Willie tungkol dito.