Are Zanjoe Marudo and Bela Padilla in a relationship?

by Bernie V. Franco
Jun 9, 2017
Zanjoe Marudo on status of relationship with Bela Padilla: "Meron po, friendship. Ngayon kasi, ang estado namin ano pa... taguan ng feelings."

May relasyon ba sina Zanjoe Marudo at Bela Padilla?

Sagot dito ni Zanjoe, “Meron po, friendship.

“Ngayon kasi, ang estado namin ano pa... taguan ng feelings.”

Dahil sa sinabi ng aktor, lalong naging curious ang entertainment press na dumalo sa finale presscon ng kanilang primetime series sa ABS-CBN, ang My Dear Heart, nitong Huwebes ng gabi, June 8.

Kaya paglilinaw ni Zanjoe, “Masyado kaming [focused], lalo na ngayon patapos na kami.

"Yung commitment namin sa show, kailangan talaga buo, 100 percent maibigay namin.

"Dahil ang show na ito, nagbibigay talaga ng moral lessons sa mga tao.

“Kumbaga, mahirap haluan pa ng mga personal na kagustuhan."

AFTER TAPING. Biniro naman ng press si Zanjoe kung pagkatapos ba ng kanilang proyekto ay balak pa nilang magkita ni Bela.

Diretsong tanong ni Zanjoe kay Bela: “Makikipagkita ka pa ba sa akin after taping?”

Tawa ang isinagot dito ni Bela.

Pagkatapos ng presscon proper, nilapitan ng ilang reporters ang dalawa at hiningi ang reaksiyon ni Bela sa tanong ni Zanjoe.

Continue reading below ↓

Tila pa-safe na tugon ni Bela, “Yayayain mo ba ako makipagkita after the show?”

Tinukso rin si Bela tungkol sa pag-amin ni Zanjoe na nagtataguan sila ng feelings.

“Ngayon alam ko na may itinatago pala siyang feelings, sus!” pabirong reaksiyon ng aktres.

Makahulugang sabi naman ni Zanjoe, “Ewan ko, joke siguro, pero half-meant na rin yun.”

Pinansin din ng press kung bakit tila hindi mapakali si Zanjoe habang katabi si Bela.

“Naiilang ako, e,” tugon nito.

Sa diretsong tanong kung magkarelasyon na sila, sagot ni Bela: “Hindi po.”

OUT-OF-TOWN TRIPS TOGETHER. Inusisa rin ang dalawa kung bakit madalas silang magkasama sa out-of-town trips.

Isang reporter ang nagbanggit na nagkasama raw sila sa La Union kamakailan.

Tila nadulas na sagot ni Bela,” Ako nasa La Union ako para sa birthday ko.

"Sumunod lang talaga si Z [Zanjoe] hindi naman parang planado."

Binanggit pa ng reporter na nagkasama raw sila sa Bataan noong Holy Week.

Depensa ni Zanjoe, “Nasa Dagupan ako noon. May show ako.”

Two weeks ago raw ay magkasama rin sila sa Tagaytay.

Sa puntong ito ay umiwas na si Zanjoe, hudyat ng pagtatapos ng interview.

Read Next
Read More Stories About
Zanjoe Marudo, Bela Padilla
Featured
Latest Stories
Trending in Summit Media Network

Featured Searches:

Read the Story →
Zanjoe Marudo on status of relationship with Bela Padilla: "Meron po, friendship. Ngayon kasi, ang estado namin ano pa... taguan ng feelings."
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results