Umaasa si Ogie Alcasid na malalampasan ni Noven Belleza ang kinahaharap nitong sexual assault case.
Nasubaybayan ng singer-songwriter ang karera ni Noven sa pagkanta dahil isa siya sa mga hurado ng "Tawag ng Tanghalan" sa ABS-CBN noontime show na It’s Showtime, kung saan itinanghal si Noven bilang kauna-unahang grand champion.
Sabi ni Ogie, “Well, full support kami kay Noven... well, I can speak for myself.
"I will pray for him na, you know, maayos niya 'to at hindi siya…
"Hindi ko alam ang buong istorya nito, and siyempre kailangan nating malaman yung buong istorya.”
Sa launching ng kanyang bagong album na Nakakalokal sa Dolphy Theater ngayong Miyerkules, July 19, nanawagan ng dasal si Ogie para sa tinagurian niyang “our champion.”
“But at the same time, Noven is kasama natin, he is our champion, so we need to pray for him,” sabi ni Ogie.
Nahaharap si Noven sa kasong sexual assault sa Cebu City Regional Trial Court matapos diumano nitong molestiyahin ang isang 19-anyos na babae, na naging contestant din sa "Tawag ng Tanghalan."
