Humingi ng paumanhin ang mister ni Solenn Heussaff na si Nico Bolzico dahil tinawag niyang “official couple” ang Pinoy Big Brother ex-housemate na si Wil Dasovich at ang kilalang cosplayer na si Alodia Gosiengfiao.
Inilagay ito ng Argentine businessman sa kanyang "Prank Challenge" kina Wil at Alodia at kina Anne Curtis at Erwan Heussaff, sa Instagram story, kahapon, September 21.
Di nagtagal, sunud-sunod ang videos na ipinost ni Nico para klaruhin ang kanyang pagtawag kina Wil at Alodia bilang "official couple" o may romantic relationship ang dalawa.
Lalo pa’t ibinalita agad ito ng ibang entertainment reporters.
Pahayag ng mister ni Solenn, “I think I have some explanation to make about Wil Dasovich and Alodia.
“Very special sorry to all the journalists and all the people writing news that thought Wil and Alodia were together.
“I don’t wanna be like fake source of information, so first, I’m so sorry guys for that.”
Gayunpaman, naniniwala si Nico na may espesyal na namamagitan kina Wil at Alodia, kahit hindi pa nila ito inaamin.
“I must say they’re not officially together. I assumed they were officially together.
“But come on! It’s pretty obvious, right?
“Erwan and me who were looking at them the other day,” pagtukoy pa ni Nico sa kapatid ni Solenn.
Dagdag niya, “You know, the way Alodia looks at Wil, like Sailor Moon when they’re like super in love, and Wil is cool kid, like one of the Backstreet Boys when they look at the girls when they’re super in love.
“It’s pretty obvious, guys. It’s pretty obvious.”
Sabi pa ni Nico, “Basically, they’re not officially together.
"It’s what I assumed, but it’s pretty obvious they love each other.
“And pretty obvious Wil will propose sometime soon.”
Kamakailan ay umuwi sa Amerika si Wil matapos ma-diagnose na mayroon siyang prostate cancer.
Sinorpresa naman siya ni Alodia nang lumipad ito sa US upang suportahan siya.