Addy Raj has no hard feelings toward GMA-7, Meant To Be co-actors

IMAGE Instagram

Kapuso actor Addy Raj, who is Indian, steps up in learning Tagalog for his future projects. He told PEP.ph, "Expect a big stepped up performance... no subtitles at di kailangan madaming takes!"


Walang nararamdamang tampo o sama ng loob sa GMA-7 ang Kapuso hunk na si Addy Raj.

Ito ay kahit ang lahat ng kanyang co-stars sa teleseryeng Meant To Be (2017) ay nagkaroon ng kasunod na programa pagkatapos ng kanilang show, samantalang siya ay hindi nabigyan.

Hindi rin daw siya naiinggit sa kanyang naging co-stars na sina Ken Chan, Ivan Dorschner, at Jak Roberto. 

Si Ken ay nagkaroon ng special participation sa prime time series na The Cure; si Ivan ay napanood sa The One That Got Away; at si Jak naman ay napapanood ngayon sa afternoon drama series na Contessa.

Tingin ni Addy, isang Indian national, ang dahilan kaya hindi agad nasundan ang kanyang unang show ay dahil hindi pa siya matatas sa Tagalog.

Paliwanag niya, “Hindi naman, kasi siyempre nung time ng Meant To Be, unang show ko yun, di ba?

"So, bago lang ako at dati di ako fluent sa Tagalog.

"Actually, kaya siguro hindi kaagad nasundan, not like Ken, Ivan, at Jak, na magaling na mag-Tagalog kaya meron sila kaagad na teleserye."

Ayon pa sa binata, ginagamit niya ang kanyang free time ngayon upang mapagbuti ang sarili.

Aniya, “Mas gusto ko itong huli ako sa mga task na nagkaroon ng shows, kasi may marami pang oras ako para mas ma-enhance pa ang skills ko.

“So I’m working on acting, I’m working on my Tagalog, I’m working on my dancing—everything.

“So, sa tingin ko, dahil sa mas maraming oras... and actually di ba mas maganda pag sa susunod na teleserye ko, magaling na ako?

“Di ko kailangan ng subtitles, di ko kailangan ng sobrang daming cast.

"Isn’t that better, right?"

Tinitingnan na lang daw ni Addy sa positibong aspeto ang hindi niya kaagad pagkakaroon ng bagong project.

"So, in a way, it’s a blessing in disguise.

ADVERTISEMENT - CONTINUE READING BELOW

"Alam ko naman na I will have something coming up but... secret muna." 

Dagdag pa nito, "I mean, siyempre the whole cast has already been casted, who’s next? Who’s next, right?

“But I’m not in a hurry kasi, I think, gusto ko talaga maging leading [man] material first.

“Anong point ng magkaroon ka ng show kung di ka naman fully-equipped? Mahihirapan ako sa script.

"So, basta I will give it another few months."

IMPROVEMENT. Nakikita naman daw ni Addy, maging ng Kapuso network, ang naging improvement niya dahil sa mga guest role niya sa iba't ibang shows.

"Kasi marami akong guestings, at sobrang haba ng mga Tagalog lines ko, at walang mga subtitles.

"And pagkatapos ng Meant To Be, I had actually, like, three teleseryes [na] guesting roles.

"At siyempre, they really observe, like, anong nangyari sa mga roles ko.

"And I think, after each show, I improve a bit.

"So, I will say it’s still a progress. I will be sad kung wala talagang nangyayari.

"Pero may nangyayari naman. So, as long as there’s progress, it’s good."

Ano ang naging way para maging mas mahusay siya sa Tagalog ngayon?

Sagot ng binata, “Actually, nag-aaral ako araw-araw.”

May nagtuturo sa kanya?

“Opo, opo sa bahay lang po, meron akong isang teacher na pupunta sa bahay ko lagi at may lesson ako.

"Mga dalawang oras sa isang araw lang."

MOST MEMORABLE. Nagkuwento rin si Addy tungkol sa kanyang mga naging guesting. 

“Yung pinakamasayang guesting na recently was sa Lip Sync Battle.

“I don’t know kung nanood po ba kayo o hindi? Yung 'Boom Boom.'

“So, for the first time in my career, naging babae ako."


Paano ka napapayag na magpambabae samantalang hunk ang tingin sa kanya ng mga tao? 

“Pumayag ako kasi meron akong acting workshop sa GMA. And sa acting workshop, they kept pushing me to push my limits, to expand my  range, and sobrang tinulungan nila ako.

ADVERTISEMENT - CONTINUE READING BELOW

“So dahil sa acting workshops, madali na lang sa akin ang maging babae.”

Ang ginaya raw ni Addy sa Lip Sync Battle  ay si Nancy, isa sa members ng female Kpop group na Momoland.

"I hope napansin din niya yung ginawa ko," sabi niya.

Ano ang message niya sa fans na nami-miss siyang makita ka sa isang mahabang role sa isang teleserye? 

Ani Addy, “Expect a big stepped up performance sa susunod na next project.

"I would not be a newcomer sa susunod.”

Mas ready na ba siya?

“Yes, no subtitles at di kailangan madaming takes!” 


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN