Ipinagdarasal daw palagi ng singer na si Louie Heredia ang patuloy na paggaling ng kanyang matalik na kaibigang si Gary Valenciano.
Kamakailan ay sumailalim si Gary sa heart bypass surgery at inamin ding nagkaroon ng kidney cancer.
Ngunit naagapan naman ang cancer ng tinaguriang Mr. Pure Energy at magaling na siya mula rito.
Ayon kay Louie, hindi lang sila close friends ni Gary kundi magkumpare pa, dahil inaanak niya ang unica hija nina Gary at Angeli Pangilinan-Valenciano na si Kiana.
Aniya, “I’ve been praying for him since I heard about it.
“So with his condition now, not only the surgery, but apparently they found a cancer which they took out, he is in my prayers every day.
“Because, you know, we need Gary.
"He is a role model, a good example to a lot of us in the industry and to all the people."
Nakausap ng PEP.ph (Philippine Entertainment Portal) si Louie sa Suvarnabhumi Airport sa Bangkok, Thailand nitong Linggo, July 8.
Nakapagpadala na raw siya ng mensahe kay Gary.
“Oo naman! Right after the surgery, I said, ‘Ga, I’m praying for you every day. Just have strength, have faith with the Lord and I’m sure He will take care of you.’
“He answered me, he said, ‘Thank you so much, Louie.’
“I can’t remember exactly but he answered me right away, so did Angeli.”