Nananatiling grateful si Marlo Mortel sa mga oportunidad na dumarating sa kanya.
Bukod sa regular hosting stint niya sa Umagang Kay Ganda, magiging bahagi rin si Marlo ng gagawing pelikula ng Regal Films, ang One Great Love, na pagbibidahan nina Dennis Trillo at Kim Chiu.
“One Great Love” directed by Eric Quizon under @RegalFilms pic.twitter.com/m66BolaoP8
— Marlo Mortel (@marlo_mortel) July 30, 2018
Sa mga susunod na linggo ay nakatakda ring i-release ang first album ni Marlo under Star Music, at susundan pa ito ng isang concert sa October.
Lubos daw sana ang kasiyahan niya sa mga dumarating na blessing kung magiging maayos din ang kalagayan ng kanyang inang may breast cancer.
Noong July 23, nag-post si Marlo sa kanyang Twitter account ng mensahe na “Lord, we are praying for a miracle.”
— Marlo Mortel (@marlo_mortel) July 23, 2018
Kaya naman sa ginanap na story conference ng One Great Love noong Lunes, July 30, kinumusta ng PEP.ph (Philippine Entertainment Portal) kay Marlo ang kalagayan ng kanyang ina.
“Hindi po siya okay,” ang malungkot na tugon ni Marlo.
Sabi pa niya, “Basta lumala nang lumala.
“Kumbaga, last year, malala na siya kaya nagpa-benefit concert ako, di ba?
“Mas grumabe pa kaya umaasa na lang kami ng miracle.”
Sa kabila nito, lubos pa rin ang pasasalamat ni Marlo.
Aniya sa huli, “Happy po sa blessings. Pero siyempre, hindi naman fully happy kung di pa okay si Mama.”