Isang madamdaming birthday message ang ibinahagi ng Kapamilya actress na si Aiko Melendez para sa Kapuso star na si Marian Rivera.
Ipinagdiwang ni Marian ang kanyang ika-34 kaarawan kahapon, August 12.
Sa Instagram post ng Bagani actress, ikinuwento niya kung paano nagsimula ang paghanga niya kay Marian kahit hindi pa sila magkakilala at naging magkatrabaho noon.
Mensahe ni Aiko, “Happy Birthday sa isa sa pinakamagandang mukha na nakita ko with or without make up:) @marianrivera.
“Madami ang di nakakaalam na silent supporter ako ni Marian, nagsimula ang paghanga ko sa kanya one Sunday afternoon while watching her interview.
“Nakatapos ng pag-aaral sa La Salle Dasmariñas, napakabait na provider and she lived with her grandmother, who became her guardian and the one who helped Marian grow up to be the respected woman she is now:)
“Then another Sunday afternoon, I saw Marian at Mesa restaurant, she went to our table to say hello.
“At that time, I was with direk@direklouieignacio. It was a brief encounter, she was just smiling the whole time, and I was just looking at her, because I couldn’t believe that at this age of mine ma-starstruck pa ako, pero di ko pinahalata un ahhahaha!
"Ayan secret revealed.”
Kasunod na ibinahagi ni Aiko ang pagiging mabait daw ni Marian.
Kuwento niya, “Cut 2 uuwi na kami I asked for the bill, waiter told me it was already settled…
“Na-shock ako kasi simple gesture like that wow di ba. And di naman niya kelangan mag-impress sa akin di ba?”
Ayon pa kay Aiko, nagki-care din daw si Marian sa mga panahong kailangan niya ng tulong at suporta.
Saad niya, “And one time I posted a picture na I got into an accident, to my surprise she messaged me sa IG direct asking, ‘Ate are you ok? Pls. get well soon...’
“Di ba, so ayan kaya sabi ko sarili, winner tong tao na to, napakatotoo...
“Kaya I want to greet you a happy, happy birthday Marian:)
“Sa mundo natin, iilan nalang tayo ang totoo, mali man sa iba ang masyadong totoo, pero sa akin I’d rather be disappointed with truth, than be satisfied with a lie.
“I’m praying that one day I get to work with you, that’s actually a dream for me…
“Wala namang impossible and for now ipagdadasal ko yan hanggang magkatotoo!
“Enjoy your day Ganda! Continue to be a good wife, and mother to Letizia.
“God bless you more and more. Ang dami pa natin exchange of msgs! Basta, mabuti ka na tao.”
Nagpasalamat naman si Marian sa mensahe ni Aiko para sa kanya.
