Nananatiling tikom ang bibig ni Robi Domingo tungkol sa bagong non-showbiz girl na nakaka-date niya ngayon.
Noong Linggo, August 12, nakita ni Alex Gonzaga si Robi na kasama ang isang non-showbiz girl, na sinasabing espesyal sa buhay ngayon ng Kapamilya male TV host.
Ito ay ibinahagi ni Alex sa kanyang Instagram Story noong Lunes, August 13.
Marami ang napatanong kung sino ang kasamang babae ni Robi sa video.
Sinubukan ng PEP.ph (Philippine Entertainment Portal) na tanungin ang Kapamilya TV host tungkol dito matapos ang launch ng Oppo F9 sa Shangri-La at The Fort, Taguig City, kahapon, August 15.
Ang maiksing tugon ni Robi, “Well, for now, I got a new phone.
“I got a new story to tell siguro, but that one is going to be reserved for another time siguro.”
Minsan na ring sinama ni Robi ang bagong inspirasyon niya sa pag-ibig sa premiere night ng pelikulang BuyBust noong nakaraang buwan.
Ipinakilala niya ang kanyang kasama na si Maiqui Pineda, isa ring Atenista.
