Proud na proud na nag-post si KC Concepcion sa Instagram ng kanyang date night kasama ang boyfriend, ang French film producer na si Pierre Emmanuel Plassart.
Ngayong Lunes, August 20, nag-post ng sunud-sunod na videos sa Instagram Story si KC sa “Teppanyaki night” nila ni Pierre.
Mapapansin din na umuulan ng puso ang Instagram Story posts ni KC, kagaya ng mga hugis-pusong dishes at heart emojis na iniligay ng aktres sa videos nila ni Pierre, na indikasyong masaya siya sa current status niya.
Kasalukuyang nagbabakasyon sa US si KC.
Ibinunyag ni KC ang identity ng bagong boyfriend nang i-post niya via Instagram ang larawan nilang dalawa nitong Sabado, August 18.
Kinumpirma naman ng ina ni KC na si Sharon Cuneta, sa pamamagitan din ng Instagram, na may karelasyon na ang kanyang panganay na anak.