Tila hindi pa rin natutuldukan ang diumano’y silent war sa pagitan ng Kambal, Karibal co-stars na sina Kyline Alcantara at Bianca Umali.
Ito ay matapos ihayag ni Kyline ang umano’y pambabastos sa kanya ng isang grupo ng fans club sa gitna ng kanyang song number sa ginanap na GMA-7 regional show sa Iloilo.
Sa kanyang Twitter post kahapon, August 19, sinabi ni Kyline na hindi niya napigilang umiyak habang kumakanta dahil sa umano’y hindi magandang insidenteng naranasan niya.
Tweet ni Kyline:
Sorry if I cried in the middle of my performance. Sorry, kung may negativity na pumasok dun sa stage while I’m performing. I’m sorry. All i want is to spread positivity sa lahat. Pero, nakaka bastos lang.
— Ky???? (@2002kyline) August 19, 2018
Thank you so much sa lahat ng pumunta. MAHAL NA MAHAL NA MAHAL KO KAYONG LAHAT. SOBRA!??
— Ky???? (@2002kyline) August 19, 2018
I want to thank every single one of you ng personal. I love you all so much. Always remember that, please. ????
Ni-retweet din ni Kyline ang isang bahagi ng show kung saan inihayag niya ang diumano’y pambabastos sa kanya ng isang grupo ng fans club.
Ani Kyline, "Huwag nating tularan ang ibang mga fans club—mga bastos. Habang nagpe-perform... Oh my gosh!”
"Wag nating tularan ang ibang mga fansclub. Mga bastos. Habang nagpeperform.... OMYGOSH"- Kyline
— meryl (@aesthetic_Kyyy) August 19, 2018
We love you, Ky!!!!!???@2002kyline pic.twitter.com/Na4jGi8g77
Isa pang ni-retweet ni Kyline ay ang video kung saan sinasabing napaiyak siya dahil sa ilang mga nanood ng show na sinigawan siya ng "Boo! Boo!"
I THOUGHT SHE WAS CRYING BECAUSE SHE WAS OVERWHELMED BUT SH*T I'M WRONG!!!! ALL SHE WANT IS TO PERFORM AND MAKE HER FANS HAPPY. SHE DIDN'T DESERVE THIS!!!! @2002kyline pic.twitter.com/vChE6FvWOe
— meryl (@aesthetic_Kyyy) August 19, 2018
Hindi man diretsang pinangalanan ni Kyline kung kaninong fans club ang diumano’y nambastos sa kanya, makikita sa palitan niya ng tweet sa isang netizen na tila ang fans club ni Bianca ang kanyang tinutukoy.
Inawat kasi ni Kyline ang isang netizen na nagpatutsada tungkol sa diumano’y pagkakapareho ni Bianca at fans nito.
Tweet ni Kyline:
I’m okay now. Thank you. But, please. Don’t go that far. ????
— Ky???? (@2002kyline) August 19, 2018
Sa official Twitter account ng GMA Artist Center, makikitang naroon din sa GMA-7 regional tour sa Iloilo si Bianca at perennial leading man at real-life suitor nitong si Miguel Tanfelix.
Bianca Umali performs for our Kapuso in Iloilo City at tonight’s #KapusoMallShow! ?? #GMARegionalTV pic.twitter.com/9tWXqNFgOr
— GMA Artist Center (@ArtistCenter) August 19, 2018
Miguel Tanfelix performed at last night’s #KapusoMallShow in Iloilo City! ?? #GMARegionalTV @MiguelTanfelix_ pic.twitter.com/lHYERPsskS
— GMA Artist Center (@ArtistCenter) August 20, 2018
Ngunit walang anumang nabanggit sa insidenteng naiyak si Kyline sa sarili nitong song number.
WATCH: Kyline Alcantara sings Imago’s Sundo at today’s #KapusoMallShow in Iloilo City! ?? @2002kyline #GMARegionalTV @GMARegionalTV pic.twitter.com/zWMv4HhyLU
— GMA Artist Center (@ArtistCenter) August 19, 2018
BIANCA’S CRYPTIC SNAKE TWEET
Noong nakaraang buwan, naiulat ang espekulasyong may “silent war” diumano sa pagitan nina Bianca at Kyline.
May kinalaman umano ito sa isyung si Kyline ang pinararatangang third party sa rumored breakup nina Bianca at Miguel.
Ito ay sa gitna ng pinagbibidahan nilang Kapuso prime time series na Kambal Karibal, kung saan gumaganap din silang love triangle sa istorya.
Lalong uminit ang isyung naging totohanan na ang tensiyon sa pagitan ng dalawang young Kapuso actress, nang maghayag ng cryptic “sssss” tweet si Bianca noong July 8.
Pinaniniwalaan ng netizens na patama ito ni Bianca sa umano’y “ahas” sa paligid nito.
KYLINE’S CRYPTIC SNAKE POSE
Hindi naglabas ng opisyal na pahayag ang magkabilang kampo hinggil sa sinasabing silent war sa pagitan nila.
Ngunit sa July 29 episode ng Kapuso Sunday variety show na Sunday PinaSaya, hindi nakaligtas sa ilang manonood ang ginawang pagkaway ni Kyline sa pamamagitan ng hand gesture ng isang gumagalaw na ahas.
Kahilera noon ni Kyline ang Kambal, Karibal co-stars na sina Bianca at Miguel.
Mayroon ding kumalat na ilang litrato si Kyline na siya ay naka-snake pose.
Totohanan nga ba o bahagi lang ito ng onscreen love triangle nina Bianca, Miguel, at Kyline?
Bukas ang PEP.ph (Philippine Entertainment Portal) sa anumang pahayag ng mga nabanggit sa artikulong ito.