Hindi pa rin maitago ni KC Concepcion ang sobrang kaligayahan sa piling ng kanyang bagong nobyo, ang French filmmaker-businessman na si Pierre Emmanuel Plassart.
Sa kanyang Instagram Story kagabi, August 22, dalawang posts ni KC ang patungkol kay Pierre.
Una rito ang quote card na may kasamang larawan ng mga kamay na magkapatong, kung saan nakalagay ang katagang: “You’re not rich until you have something money can’t buy.”
Kasunod naman ay ang side profile ni Pierre na kanya raw bagong cellphone wallpaper.
Inilarawan din niya ang French boyfriend na “Guapo.”
Inanunsiyo ni KC ang relasyon nila ng French filmmaker sa pamamagitan ng Instagram noong Sabado, August 18.
Ayon sa ilang netizens, dati nang nakarelasyon ni KC si Pierre, pero naghiwalay sila at muling nagkabalikan.
Parang ito rin ang kinumpirma ni Sharon Cuneta sa kanyang Instagram post, kung saan sinabi niya patungkol kay Pierre: “Only too happy to welcome this boy back into our fold.
"Happiest for my baby girl! (You two, this better be it okay? JK!) I love you both. But Tina just much, much more. Hahaha! @itskcconcepcion @peplassart."