Botong-boto sina Sharon Cuneta at Gabby Concepcion, at maging si Senator Kiko Pangilinan, sa bagong boyfriend ng kanilang anak na si KC Concepcion—ang French businessman at film producer na si Pierre Emmanuel Plassart.
Hindi nga mapigilan ng Megastar na maging emosyunal dahil nakikita niyang masaya ang panganay na anak sa piling ni Pierre.
Katulad na lamang nang mag-post si KC ng birthday message para sa French boyfriend nitong Huwebes, August 30.
Sa comments section, ibinahagi ni Sharon ang nararamdaman.
“Crying cos am so happy for you… Happy Birthday to my dear Pierre! I love you my Tutti,” komento ng 51-anyos na singer/host/actress.
Pero hindi lang si Sharon ang masaya para kay KC, kundi maging ang kanyang biological father na si Gabby Concepcion at stepfather na si Senator Kiko Pangilinan.
Komento ni Gabby sa post ni KC, “In love baby ko. Congrats.”
Mensahe naman ni Senator Kiko para kay KC, “Goodspeed! Love will withstand all, will conquer all.”
SHARON APPROVES
Ni-repost ni Sharon ang Instagram post ng kanyang anak na binabati si Pierre.
Sa caption, sinabi ng Megastar na botong-boto siya kay Pierre.
Binanggit din ni Sharon na matagal na niyang kakilala si Pierre, at naabutan pa nito ang lola ni KC na si Elaine Cuneta.
Nagbigay pa ng love advice ang Kapamilya star para sa anak.
Mensahe ni Sharon, “Maria Kristina Cassandra, THIS ONE.
"This boy I have loved (and missed) for years. This boy Mita loved.
"This one. My full approval, with all my heart and soul.
"This one. I pray for your love and for forever.
"I am so happy for you, my beloved princess.
"A second chance with your prince. Do not waste it or you will NEVER forgive yourself. Or forget.
"I love you with all my heart! And Happy Birthday my dear, dear Pierre! God bless you two."