Inamin ni Tony Labrusca na may na-in love na sa kanyang older woman at pamilyado na.
Nangyari raw iyon noong 20 years old ang Kapamilya actor, at 35 naman ang di pinangalanang babae.
Kuwento ni Tony, “She already had three kids and a husband.
“I don’t wanna get involved with her. Like, friend ko lang siya.
“Pero umamin siya na na-in love siya sa akin."
Noon daw niya na-realize na nangyayari pala talaga sa totoong buhay ang May-December affair.
Dagdag ni Tony, "Anybody, really, can fall in love. It doesn’t really matter the age.
"It’s just that connection between two people.
"Kasi when I was younger, my dad was telling me na age is just a number.
"Siyempre as a kid, 'No, Dad. I don't wanne be friends with older people.'"
Naikuwento ito ni Tony sa presscon ng Glorious, na ginanap sa 9501 restaurant, ELJ Building ng ABS-CBN, sa Quezon City, noong November 8.
Nanatili raw siyang mabuting kaibigan sa older woman na may gusto sa kanya.
Pero alam din daw ni Tony sa sarili na hindi siya papatol sa may asawa na.
Paliwanag ng 23-year-old actor, “I mean, for me, I understood her humanity.
“She was in an arranged marriage kasi, kaya sobrang it wasn’t her choice to fall in love.
“Kaya I stayed friends with her, kasi it’s so sad that you don’t have the chance to pick who you fall in love with.
“That was taken away from her.”
Nakikita ba niya ang sariling magkakagusto sa single na older woman?
Nakangiting sagot ni Tony, “I’ll never gonna say never.”
Sa ngayon, single at wala raw idine-date si Tony.