Nagpaliwanag ang pambato ng Pilipinas sa Miss Universe 2018 na si Catriona Gray kaugnay ng kanyang national costume at ang nangyaring technical mishap.
Magkakahalo ang reaksiyon ng netizens sa national costume ni Catriona na inirampa niya sa Miss Universe 2018 National Costume Show nitong Lunes, December 10.
Ginanap ang pre-pageant show sa Nong Nooch International Convention Center sa Pattaya, Thailand.
Ang costume ni Catriona, na tinawag na Luzviminda, ay nagtataglay ng detalyadong disenyo na ang inspirasyon ay ang mayamang kultura ng Pilipinas.
Idinisenyo ito nina Jearson Demavivas, Jojo Bragais, at Carlos Buendia Jr.
“IT WAS MEANT TO LIGHT UP”
Isa sa highlights ng costume ni Catriona ay ang malaking parol sa kanyang likuran.
Sa kanyang Instagram Live ngayong Martes, December 12, sinagot ni Catriona ang mga katanungan kung iilaw ba dapat ang kanyang costume.
Kinumpirma ng beauty queen na dapat ay iilaw ito subalit nagkaroon ng “technical mishap.”
Saad niya, “My parol was meant to light up. But for some reason, I don’t know why [it didn’t].
“Before the show, I was trying to turn it on and did not turn on.
"So I tried to turn it on again and it did turn on, and it turned on twice in a row, so then I left it…”
Pero hindi raw ito umilaw nang siya na ang maglalakad sa stage.
“And then, just before I went onstage, I tried to turn it on again and it wasn’t working.”
Hinala ni Catriona, baka raw na-damage ito nang ibiyahe sa Thailand.
“So I’m not sure if the wires got moved during the transport here to Thailand.
"But it just so happened that on the day itself, and on the time that I walked out on stage, the ilaw po or the lights, they weren’t working."
Nalungkot si Catriona dahil gusto raw sana niyang ipakita ang pinaghirapan ng kanyang team.
“I’m really, really sad about it 'coz I would have loved to show the full effect of what my team—with their time and effort—that we really went over mountains just to try and get the light and the synchronization of the light within the parol.
"But regardless, I just want you guys to know that it was a little bit of a technical mishap."
Sabi pa ni Catriona, “I just wanted to show the Filipino artistry and all the inspiration that I took from our county in the national costume.”
Isa pang napansin sa pagrampa ni Catriona ay hirap siya sa paglalakad dahil sa mabigat na parol.
Kinailangan niya itong lagyan ng bakal na may gulong, upang mabuhat ito.
Ikinuwento ni Catriona na nahirapan siya sa paglalakad dahil carpeted ang stage at hindi gumulong ang mga gulong ng parol.
“I know it would have been nicer if I could have walked better, but I really fell in love with the concept of the parol, and we really wanted it to be authentic, so it was made with every consideration and we used fiber glass…
“It was handmade in Pampanga. And that was the lightest we could get it and I still couldn’t carry it, and that is why we had wheels and that’s what happened.”
Gayunpaman, malaki pa rin ang pasasalamat ni Catriona sa kanyang buong team na tumulong sa paggawa ng kanyang national costume.
Sa kabila ng mga nangyaring hindi inasahan, masaya pa rin si Catriona na maraming fans at netizens ang naka-appreciate sa kanilang pinaghirapan.
Mensahe niya, “Reading your comments, of seeing how proud you are, how much you are learning from my national costume, that is exactly what I wanted—like, this was made for Filipinos.
“I wanted all the Filipinos and sana taga-ibang bansa from other countries to really appreciate our culture, whether it be the artwork or the fabric or the textiles…
“To be the able to see the comments, that’s exactly what they had done to people or discovered something about the Philippines, that’s exactly what I’m aiming for.”
Ang grand coronation ng Miss Universe 2018 ay mangyayari sa December 17, Lunes.