Queen supporting fellow queen.
Nag-post si Miss Universe 2015 Pia Wurtzbach, 29, sa Instagram at sinabing ipinagdarasal niyang manalo si Catriona Gray, 24, sa 67th Miss Universe pageant sa darating na Lunes, December 17.
Gaganapin ang grand coronation night ng prestigious annual pageant sa Bangkok, Thailand.
Hinimok din niya ang kanyang mga fans, ang Pianatics, na suportahan si Catriona.
Caption ni Pia: “Praying for good weather, world peace, and.......for Catriona to win Miss Universe! ???? Pianatics, let’s do this. Let’s support our Miss Universe Philippines!”
Sa comments section, bumuhos naman ang pasasalamat kay Pia sa kanyang ginawa.
Si Pia ang ikatlong Pilipina na kinoronahang Miss Universe sa ginanap na pageant sa Las Vegas, USA noong December 2015.
Ang dalawang Pinay na naunang itinanghal bilang Miss Universe ay sina Gloria Diaz (1969) at Margie Moran (1974).