Tiniyak ni Ogie Alcasid, 52, na walang samaan ng loob sa pagitan niya at ng kanyang dating home network na GMA-7.
Labinwalong taon ang inilagi ni Ogie bilang isang Kapuso, mula 1995 hanggang 2013.
Noong 2013 ay lumipat siya sa TV5, kung saan siya nagtagal ng tatlong taon.
Noong 2016 ay lumipat naman siya sa ABS-CBN at nananatiling Kapamilya hanggang ngayon.
Pahayag ng singer-comedian, “You know, we’re always very thankful to GMA-7.
“They’re part of us, our career also. You can’t take that away."
Malaki pa rin daw ang kanyang respeto para sa dating network.
“I mean, in the end, we’re all working towards one goal—and that is to entertain our Filipino audiences.
“We’re all comrades, we’re all colleagues in the same industry, which is very small.
“So, in the end, respeto lang talaga.”
Nakausap ng PEP.ph (Philippine Entertainment Portal) at iba pang reporters si Ogie sa presscon ng kanyang Valentine concert na Master of Love, na ginanap sa El Calle Food and Music Hall, Newport Mall Resorts World, Pasay City, nitong Martes, January 17.
Gaganapin naman ang mismong concert sa February 14, Huwebes, sa Newport Performing Arts Theater.
View this post on Instagram
LEAP OF FAITH
Ayon kay Ogie, "leap of faith" para sa kanila ng misis niyang si Regine Velasquez nang nagdesisyon silang lumipat sa Kapamilya network.
Matatandaang lumikha ng malaking ingay ang paglipat ni Regine sa ABS-CBN noong October 2018, pagkatapos ng 20 taong pagiging Kapuso.
Saad ni Ogie, “I’d say it was a journey.
"I cannot say that we weren’t scared. I can’t say that it was a risk.
"It was a leap of faith for both of us.
“We just stuck to what we believed in and, of course, God on our side.”
Kumusta naman ang adjustment ni Regine sa ABS-CBN?
Sagot ni Ogie, “I think she managed it really well. I think it went really smooth.”
Giit niya, sobrang naging mainit ang pagtanggap ng Kapamilya network kay Regine.
“I think ABS-CBN has been, you know, very welcoming to her.
“And of course, the other artists from ABS-CBN were very warm towards her.
“So it made her feel at home. So I think OK na OK."
Dagdag pa ng singer-songwriter, “And of course, dun sa mga dati nang... you know, Kapamilya fans, they also welcomed her.
“Kasi siyempre, sila yung mga nanonood. It was really, really good for her.”