Itinanggi ng kampo ng Korean superstar na si Lee Min Ho, 34, ang report na nagdi-date sila ng dating miyembro ng MOMOLAND na si Yeonwoo, 25.
Ngayong Lunes, August 30, iniulat ng Dispatch, kilalang entertainment news site sa South Korea, na limang buwan nang nagdi-date sina Lee Min Ho at Yeonwoo. Nagba-bonding umano ang dalawa sa pamamagitan ng gaming at panonood ng singer.
Naglabas din ng ilang larawan ang Dispatch ng magkahiwalay na larawan ng dalawa kung saan sinundo raw ni Lee Min Ho si Yeonwoo para manood ng sine.
Ngunit pinabulaanan ito ng agency ni Lee Min Ho, ang MYM Entertainment, sa pamamagitan ng isang statement.
Nakasaad dito: “It is not true that they are in a relationship. They are just acquaintances.”
Paglilinaw pa ng agency tungkol sa mga larawan nina Lee Min Ho at Yeonwoo: “It wasn’t just the two of them, and there were other friends present at the time. They are not photos of a date.”
Ang huling napabalitang girlfriend ni Lee Min Ho ay ang aktres at dating miyembro ng Miss A na si Suzy.
Use these Lazada vouchers when you shop or order online. Marami pang ibang coupons dito.