Tutong, nag-viral at na-feature pa sa The New York Times

by Bernie V. Franco
4 days ago
Tutong The New York Times
Bida ang tutong nang mag-viral ito sa post ng isang netizen matapos makitang itinitinda ito sa isang grocery sa Los Angeles, California sa U.S. Naitampok din ang tutong sa The New York Times.
PHOTO/S: YouTube (GMA Public Affairs) / The New York Times

Umani ng maraming reaksiyon ang post ng isang netizen na nagpapakita ng litrato ng tutong na ibinebenta sa isang store sa Los Angeles, California, USA.

November 5, 2021 ang petsa ng Facebook post ni Kai Anas-Jastia, isang overseas Filipino worker sa U.S.

Nakita niya ang mga nakabalot na tutong na ibinebenta sa isang Korean store.

Ang label dito ay Baked Rice Crisp at nagkakahalaga ng halos $5 dollar (PHP250) per pound.

Caption ni Kai, “It’s called ‘ITIP’ or ‘DUKOT.’ Sobrang mahal siya Besh

“To those who asked if this is really sold in the store… yes, it is.

“Hehehe I took this picture at a local Korean store (California).”

Ang Facebook post na ito ni Kai ay mayroon nang 20,000 shares, higit 9,000 reactions, at 50 comments.

Tutong The New York Times

Continue reading below ↓

Naitampok ito sa episode ng Kapuso Mo, Jessica Soho (KMJS) nitong Linggo, November 21, 2021.

Muling bumisita si Kai sa Korean grocery kung saan niya nakita ang tutong sa Northridge, sa San Fernando Valley region ng Los Angeles.

Sa interview sa kanya ng KMJS, inalala ni Kai ang kanyang reaksiyon nang una niyang madiskubre ang itinitindang tutong.

“Kuha ako, sabi ko, ‘Bakit siya binebenta $4.99 per pound? That would be like PHP250 per pound.'”

Binalikan ni Kai kung paano ito gawing kaning baboy ng kanyang lola noong bata pa siya.

“Parang nakita ko ito nung maliit ako. Kinakain ito ng lola ko.

“Nilalagyan niya ng extrang tubig na mainit, ginagawa niyang parang lugaw, ‘tapos pinapakain sa baboy.

“’Tapos naisip ko, ‘Ang mahal-mahal pala nito, ‘tapos ginagawa nating parang feed lang natin.’”

Sa Korean store, tinanong ni Kai ang cashier kung paano kinakain ito at sinabihan itong lalagyan lang ito ng tubig.

Continue reading below ↓

Nang tikman ito ni Kai, inilarawan niya itong may alat, pero lasang tutong pa rin.

Paglalarawan ni Kai, “Parang hindi natin nakita yung importance ng tutong, until I saw that.

“Sa ibang culture pala it means something. Sa atin ay tutong lang iyan.”

TUTONG FEATURED IN THE NEW YORK TIMES

Hindi naman kataka-taka kung sa Korean store ito nabili ng netizen na si Kai dahil ang tutong ay isang kilalang snack o quick meal sa Korea na kung tawagin ay nurungji.

Sa katunayan, sa Internet ay makakakita ng iba-ibang recipe kung paano ito pasarapin the Korean way.

Isa na rito ay ang pagbababad dito sa vegetable at cheese juices, pero hindi sobra para hindi mawala ang pagkalutong nito.

Samantala, naitampok din ang kuwento ng tutong sa The New York Times website.

Pinamagatang “The Thrilling Dare of Scorched Rice” na ipinost noong November 11, 2021,

Tinalakay dito kung paano naging “prized food” ang tutong sa iba’t ibang kultura, gaya ng Asya, Africa, at South America.

Continue reading below ↓

Dito inisa-isa ang paghahanda ng ilang chef sa ibat-ibang lugar ng recipes nila ng tutong na naging parte ng kanilang pagkabata.

Sa ibang bansa naman gaya ng Japan at Madagascar ay hinahaluan ito ng mainit na tubig para maging tsaa.

HOT STORIES

We are now on Quento! Download the app to enjoy more articles and videos from PEP.ph and other Summit Media websites.
Read Next
Featured
Latest Stories
Trending in Summit Media Network

Featured Searches:

Read the Story →
Bida ang tutong nang mag-viral ito sa post ng isang netizen matapos makitang itinitinda ito sa isang grocery sa Los Angeles, California sa U.S. Naitampok din ang tutong sa The New York Times.
PHOTO/S: YouTube (GMA Public Affairs) / The New York Times
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results