Napa-“sana all” ang netizens nang kumalat sa social media ang larawan ng isang bride during the money dance.
Ang netizen na si KaiKai Borbe ang nag-post ng larawan kung saan makikita ang ilang PHP1,000 bills at money envelopes na nakadikit sa veil.
Meron ding agaw-atensiyon na malaking brown envelope na may nakasulat na “Deed of sale,” at may official receipt (OR) at certificate of registration (CR) pa raw ng bahay, lupa, at kotse.
Caption ng netizen, “BASKOGAN!!!
“Hiyang hiya ung pa libo cape sa OR/CR ng CAR at Deed of Sale ng HOUSE AND LOT!!!
“Yan talaga ang Legit na SANAOL!”
Ipinost ito noong November 27, 2021.
Sa pamamagitan ng direct messaging, nakapalitan ng mensahe ng PEP.ph (Philippine Entertainment Portal) ang bride na si Criselle Joy Alegre ng Roxas City, Capiz.
Si Criselle ay ikinasal kay Al Vin Alegre noong November 26, 2021.
Ani Criselle, kaka-resign lang niya sa work habang ang kanyang mister ay member ng Philippine National Police Highway Patrol Group.
Tanong namin kay Criselle, totoo ba ang regalong kotse at house and lot sa kanilang kasal.
Pagkumpirma sa amin ng bride, "Yes po. Galing po yun sa parents ko.”
Pero nilinaw niya na “sasakyan and lupa” ang gifts ng kanyang parents, hindi nabanggit ang bahay.
Maging siya man daw ay nagulat sa regalong natanggap mula sa mga magulang.
“Surprise po. Masaya na emotional kasi hindi namin inaasahan ang blessing na ito,” ani Criselle.
Minarapat niyang huwag nang banggitin ang estimated amount ng mga enggrandeng wedding gifts.
Ano naman ang reaksiyon niya sa pag-viral ng post tungkol sa mga regalo?
“We didn't expect na magba-viral and nalaman namin the day after the wedding na, nung nakapag-open na kami ng phone namin.”
Kuwento pa ni Criselle, “Madaming TV show ang gustong mag-interview, pero ayaw po ng husband ko, masyado kasi siyang mahiyain.”
Hindi naman daw lahat ng comments ay positibo, pero mas pinipili nilang mag-asawa na ituon ang atensiyon sa mga naka-appreciate.
Lahad ni Criselle, “And sa mga comments, nakakatuwa madami yung natuwa, yung open-minded.
“And there are also negative comments, but we didn't mind.
“Ang mga taong nakasaksi lang ng lahat ang nakakaalam at nakakaintindi ng buong istorya.”
Pero higit sa mga mamahaling regalo, mas ikinaligaya ni Criselle na natagpuan niya ang kanyang pag-ibig.
Ipinahayag niya ito sa kanyang Facebook post: “Finally, I found my place, my contentment, my peace.
“Through you God showed me that I can be taken care of, that I can be loved the way I deserved, I can be heard and understood.
“Ikaw ang happy ending. Ikaw ang reward sa tanan na heartaches ko in the past.
“Of course there are still hardships but this time may upod nako. From now on, as your wife with God as my witness I will submit to you wholeheartedly.”
Pasasalamat naman ni Criselle sa kanyang mga magulang: “You've raised me well and gave me a good life.
“Thank you for the sacrifices and hard work para lang mapakaon kami more than three times a day and for not letting us experience hardships in life.
“I love you so much both papa & mama!! Thank you sa tanan tanan.”
Use these Zalora vouchers when you shop or order online. Marami pang ibang coupons dito.