Putok-batok ang kakaibang bouquet na offer ng PorkMaru Crispy Pata ngayong buwan ng pag-ibig.
Sa halip kasing tunay na flowers, chicharon bulaklak ang nasa bouquet wrapper.
May kasama ring ilang piraso ng vegetable leaves at sili.
Ayon sa post ng PorkMaru Crispy Pata Facebook Page noong February 6, 2022, inu-offer nila ang chicharon bulaklak bouquet para sa mga “marurupork.”
Gusto rin nilang mag-level up ang sinumang magreregalo nito sa nililiyag, at mag-indulge sa kakaibang experience sa Valentine’s Day.
Patok naman at kinatuwaan ng netizens ang nasabing chicharon bulaklak bouquet.
Kanya-kanya silang mention sa kanilang special someone para ma-notice ang katakam-takam na bouquet.
Limitado lang ang PorkMaru bouquet hanggang ngayong Valentine’s Day.
Kumbaga ay parang cheat day lang dahil “marupork” man tayong lahat sa chicharon bulaklak, kapag masyadong madalas ang indulge ay hindi rin healthy para sa ating mga heart.
