Tinotoo ni Kris Aquino, 48, ang kanyang sinabi noong nakaraang linggo na magpapahinga muna siya sa social media.
Ito ay upang “magpagaling” muna siya sa kanyang iba’t ibang karamdaman para na rin sa kapakanan ng mga anak na sina Joshua Aquino at Bimby Yap.
Sa ngayon, deactivated na ang lahat ng accounts ni Kris sa Instagram, Twitter, at Facebook.
Sabi ni Kris sa kanyang post last week: “Back as soon as I HEAL….
“Stronger, Braver, Wiser, Kinder, BETTER.”
May background music ang post na ito ni Kris na kanta ni Leona Lewis, ang “Better in Time.”
Mensahe pa niya sa caption (published as is):
“This song isn't about a single individual, it expressed my accepting the need to let go of what had always been my one great love - the passion I had for my craft, and my being my father's daughter, the happiness I felt working in the field that required being in the public eye... that's why I could take the trolling & bashing (just not the fake/made up stuff)- because this life was my CHOICE.
“But my sons deserve to have the most significant VOICE.
“And they want a healthy mama, no drama, straight from my heart, i'll miss you... like crazy.”
Noong April 9, nagsabi na rin si Kris sa kanyang 4.1 million followers sa Instagram na magpapahinga muna siya sa social media sa parehong dahilan.
Noon, nilinaw ni Kris na hindi ibig sabihin ng pagpapahinga niya sa social media ay natalo siya ng kanyang mga kalaban kundi kailangan lamang daw niyang magpagaling.
Bahagi pa ng pahayag noon ni Kris (published as is):
“confession: i’m entering mine... for many months there was a NEED to prove: 'they' (not just the enemies you became aware of, but so many others) didn’t break me... yet in the process of protecting myself, i wasn’t allowing myself to heal.
“this is a RISK but before coming to this conclusion, i did the math to make sure the people who would be financially affected by my decision to step away, TO LIVE FOR ME, would in no way suffer from my decision.
"yes, there are projects i still look forward to happening, and God willing they shall... but i no longer have the strength to lie to all of you about how strong i am, because i am not.
"i became too good at putting on the “armor of a warrior” to make sure you mostly saw a HAPPY Kris, a BRAVE Kris, and a PALABAN Kris. She was trained to hide her insecurities, vulnerabilities, and fears."
Ngunit makalipas lamang ang anim na araw ay muli siyang nag-post sa Instagram noong April 15.
Nagawa raw niya ito upang depensahan ang kapatid na si dating Pangulong Noynoy Aquino laban sa sinabi ni Caloocan Second District Representative Edgar Erice na ang pagkatalo ni Mar Roxas sa 2016 presidential elections ay dahil sa ugnayan nito sa kuya ng TV host-actress.
Si Erice ang campaign manager at spokesperson ni Mar, na tumakbong senador nitong 2019 mid-term elections sa ilalim ng Otso Diretso.
Ang senatorial slate na ito ay aligned sa Liberal Party (LP), ang partidong kinabibilangan nina Noynoy, Mar, at Erice.
Natalo si Mar sa halalan at ang pito pang kandidato ng Otso Diretso.