Kapwa nalungkot ang Kapuso stars na sina Gabbi Garcia at Jeric Gonzales dahil sa pagpanaw ng veteran actor na si Eddie Garcia.
Magiging co-star sana nila ang 90-year-old actor sa GMA teleserye na Rosang Agimat.
Para kay Gabbi, isang karangalan ang makasama ang isang institusyon na tulad ni Eddie Garcia at pinaghandaan pa raw niya ang kanyang role para hindi siya mapahiya sa veteran actor kapag nagkaroon na sila ng eksena.
Dumaan pa sa target shooting training si Gabbi dahil marami raw siyang action scenes sa naturang teleserye.
Heto ang pinost ni Gabbi sa kanyang Instagram account:
Si Jeric naman ay sobrang nanghinayang sa chance na makatrabaho niya ang kanyang idol.
Bata pa lang daw si Jeric ay paborito na niyang panoorin si Eddie sa TV at pelikula.
At noong pasukin niya ang showbiz, isa sa gusto niyang makatrabaho ay si Eddie Garcia.
Pero hindi na nga raw mangyayari iyon at tine-treasure na lang niya ang photo niya with Eddie na pinost niya sa IG.
Pinost din ni Jeric sa IG account niya ang video ng photo shoot ni Eddie para sa publicity ng Rosang Agimat.
Wala pang official announcement ang GMA-7 kung itutuloy o ise-shelve na lang ang teleserye na Rosang Agimat na nasa ilalim ng direksyon ni Toto Natividad.
“Stop taping” sila sa naturang project simula noong maaksidente si Eddie Garcia.
Bukod kina Eddie, Gabbi at Jeric, kasama rin sa Rosang Agimat sina Thea Tolentino at Gil Cuerva.
