Inihayag ni Mark Herras, 31, na masaya na ulit ang kanyang buhay pag-ibig sa piling ng girlfriend niyang si Nicole Donesa, 25.
Si Nicole ay nanalong Miss World Philippines Third Princess 2014 at napanood bilang supporting cast member sa katatapos na GMA-7 prime-time series na Bihag.
Noong August 25, ipinakita ni Mark ang ilang wacky pictures nila ni Nicole habang nakasakay sila sa kotse.
"To infinity and beyond," ang caption ni Mark na tila nagpahiwatig na gusto niyang magtagal ang kanilang relasyon ng dalaga.
Sa comments' section, biro naman ni Nicole sa nobyo, "Hehehe INFINITY WAAAARRRR!"
Ginamit din niya ang hashtags na "#iloveyou3000 #myironman"
MARK GETS TEASED BY FRIENDS
Ilan sa mga kaibigan ni Mark ay napa-comment sa pagiging sweet ng Kapuso actor.
"Asus," komento ni Paolo Contis na naglagay pa ng shocked emoji.
Sagot ni Mark, "ninong" daw si Paolo.
Tila hindi naniniwalang biro ni Paolo (published as is), "naku po! Ulol! Hahaha"
MARK'S BREAKUP WITH WINWYN
Nag-post naman ng ant emojis si Marco Alcaraz bilang reaksiyon sa ka-sweetan ni Mark.
Sabi naman ni Jason Abalos, "Ang tamiiiiiiiiiiissssssssss!!!!"
Ang huling nakarelasyon ni Mark ay si Reina Hispanoamericana 2017 titlist Winwyn Marquez.
Dalawang taon silang naging magkarelasyon, pero noong February 14, 2019, kinumpirma ni Winwyn na wala na sila ni Mark.
Mutual decision daw ang kanilang breakup.
Sa hiwalay na panayam kay Mark, sinabi ng aktor na dumating sa puntong "hindi na healthy" ang madalas nilang hindi pagkakasundo.
Gayunman, maayos daw silang nagkausap ni Winwyn bago sila naghiwalay ng landas.
