Nagpapasalamat si Donny Pangilinan sa patuloy na suporta ng fans kahit buwag na ang DonKiss loveteam nila ni Kisses Delavin.
“I love you, guys!
"Alam nila yun,” sabi ni Donny nang mainterbyu ng PEP.ph (Philippine Entertainment Portal) sa red carpet ng 2019 ABS-CBN Ball noong nakaraang Sabado, Setyembre 14, sa Shangri-La at The Fort, BGC, Taguig City.
“Nanghinayang? Well, of course, ang daming emotions in it. I'm just very grateful for everything that we did together.
“I had so many firsts with Kisses and I'm very thankful for the opportunities. I will never regret working with her.”
Masaya si Donny sa pagiging aktibo muli ni Kisses sa showbiz.
Pagmamalaki niya, “Good for her. I mean, I'm super proud of her.
"She has a lot of potential. I hope she keeps working on her craft.
“I wanna congratulate her for her Ipaglaban Mo."
Sabi, may balak ang ABS-CBN na ipareha si Kisses sa ibang Kapamilya actor. Anong reaction ni Donny tungkol dito?
Saad niya, “Kung saan siya masaya.
"I believe in her talent and I know that whoever works with her, it will be a fun time,” lahad ni Donny.
“I'm sure na malayo ang mararating nila."
Sa ngayon ay tinatapos ni Donny ang pelikulang James & Kath & Dave kung saan co-stars niya sina Loisa Andalio at Ronnie Alonte.
Pakli niya, “We’re shooting another thing na di ko pa puwedeng sabihin pero sobrang excited na ako."
Solo mang dumating sa 2019 ABS-CBN ball, masaya si Donnie na for a cause ang taunang event na ito ng network.
Pahayag niya, “I am so blessed.
"You know, once a year lang ito nangyayari—I got to see my friends, I got to see new people, everyone behind ABS-CBN.
“Of course, the one idea na we are helping less fortunate kids reach their dreams, it's one amazing experience. Sobrang excited lang ako."