Get a chance to WIN an overnight stay in Pico de Loro and other prizes when you answer the PEP.ph Reader’s Survey!

Answer Now

Nadine Lustre terminates contract with Viva Artists Agency

by Rachelle Siazon
Jan 27, 2020
Nadine Lustre decides to personally manage her showbiz career after leaving Viva, says her lawyer Lorna Kapunan.
PHOTO/S: @nadine Instagram

Pormal nang kumalas si Nadine Lustre, 26, bilang exclusive contract artist ng Viva Artists Agency.

Noong December 12, 2019, unang naiulat sa PEP.ph (Philippine Entertainment Portal) na wala na sa bakuran ng Viva si Nadine, base sa impormasyon mula sa isang showbiz insider.

Ngayong Lunes, January 27, 2020, ang legal counsel ni Nadine na si Atty. Lorna Kapunan ang naglabas ng press statement tungkol sa desisyon ng aktres na umalis sa Viva kahit hindi pa tapos ang kontrata nito.

Kabuuang pahayag ng abogada na nailathala sa ulat ng ABS-CBN News:

"For the information of the public, Nadine Lustre is no longer a talent of Viva Artists Agency.

"Consistent with her rights under the Civil Code of The Philippines, specifically Article 1920, she has decided to terminate her agency contract with Viva.

"As of now, Nadine is self-managed and will continue to be so indefinitely.

"She shall directly manage her affairs from now on, and bookings and inquiries may be directly addressed to her."

Continue reading below ↓

Nakapaloob sa Article 1920, Chapter 4, Modes of Extinguishment of Agency na karapatan ng isang talent na umalis sa isang agency kung kailan nito gusto.

Sabi rito: "The principal may revoke the agency at will, and compel the agency to return the document evidencing the agency. Such revocation may be expressed or implied."

Si Nadine ay exclusive artist ng Viva mula nang ilunsad siya bilang bahagi ng all-female girl group na Pop Girls noong 2009.

JADINE LOVE TEAM

Si Nadine ay unang sumikat sa tambalan nila ni James Reid na JaDine.

Sabay silang nabigyan ng big break sa showbiz nang magkatambal sila sa pelikulang Diary Ng Panget, sa produksiyon ng Viva Films, noong 2014.

Pinagbidahan din nila ang mga pelikulang Talk Back and You're Dead (2014) at Para Sa Hopeless Romantic (2015).

Sumikat sila nang husto nang pagbidahan nila ang ABS-CBN prime-time series na On The Wings of Love (2015).

Continue reading below ↓

Ang huling pinagbidahang teleserye nina James at Nadine ay ang Till I Met You (2016).

SIGN OF GOING INDEPENDENT?

Noong December 10, 2019, pumirma si Nadine ng kontrata sa Careless Music, ang independent record label na itinatag at pinamumunuan ng ngayo'y ex-boyfriend niyang si James.

Sinasabing ito ang unang senyales ng desisyon ni Nadine na kumalas sa Viva.

Ito ay sa kabila ng pa-safe na sagot ng aktres nang tanungin ng PEP.ph kung may plano rin ba siyang umalis ng Viva tulad ni James.

Sagot noon ni Nadine, sampung taon na siya sa Viva at "okay naman" ang relasyon niya sa talent management company.

Sa kasalukuyan, napapanood si Nadine sa ABS-CBN weekly talent search na Your Moment.

Si James ay opisyal na kumalas sa Viva noong October 4, 2019.

Nakatakdang makatambal ni James si Nancy McDonie ng Korean girl group na Momoland, sa ABS-CBN series na The Soulmate Project, ngayong 2020.

Continue reading below ↓

HOT STORIES

Read Next
Recommended Videos
Latest Stories

Get a chance to WIN an overnight stay in Pico de Loro and other prizes when you answer the PEP.ph Reader’s Survey!

Answer Now
Trending in Summit Media Network

Featured Searches:

Read the Story →
Nadine Lustre decides to personally manage her showbiz career after leaving Viva, says her lawyer Lorna Kapunan.
PHOTO/S: @nadine Instagram
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results