Get a chance to WIN an overnight stay in Pico de Loro and other prizes when you answer the PEP.ph Reader’s Survey!

Answer Now

Ryle Santiago finally reconciles with biological father Junjun Santiago

by Julie E. Bonifacio
Feb 5, 2020
Ryle Santiago (right) on renewing his relationship with biological dad Junjun Santiago (left): "Hindi naman sa madalas magkita. Nagkikita kami. Nag-uusap kami. Binibisita ko siya sa office kapag wala akong ginagawa. At least, may ganoon na. Kaya natutuwa siya.”
PHOTO/S: Mark Atienza

Pagkatapos ng sampung taon ay nagkaayos na si Ryle Santiago at ang kanyang ama, ang ABS-CBN executive na si Reily “Junjun” Santiago.

Sa katunayan, sila ang "magka-date" sa ABS-CBN Ball noong September 2019.

Si Junjun ay kapatid nina Randy, Rowell, at Raymart Santiago.

Si Ryle, 21, ay anak ni Junjun sa aktres na si Sherilyn Reyes.

Napag-alaman ng PEP.ph (Philippine Entertainment) ang pagkakaayos ng mag-ama nang eksklusibong makausap namin si Ryle sa grand opening ng Beaute Talk by Beautederm store nila ng kanyang ina, sa Robinson’s Place sa Sumulong, Antipolo, kamakailan.

Sa umpisa ay kinuha namin ang reaksiyon ni Ryle sa nalalapit na pagtatapos ng prangkisa ng ABS-CBN.

Isang exclusive talent ng ABS-CBN ang binata, na regular na napapanood sa noontime show na It’s Showtime bilang miyembro ng all-male dance group na Hashtags.

Sagot ni Ryle sa aming tanong, “Hindi ko alam.

“E, pag nagtatanong ako sa mga boss, hindi raw nila alam.

Continue reading below ↓

“So, tingnan natin. Kasi, ang daming nag-renew ng contract.

“So, siguro naman may pagtutuunan yun.”

Hindi ba niya natanong sa kanyang ama, na isa sa mga business unit heads ng Kapamilya network, ang tungkol dito?

“Hindi rin niya alam. Tinanong ko kasi siya,” nakangiting sabi ni Ryle.

Dito binanggit ni Ryle na nagkaayos na sila ng kanyang ama.

“Okey na kami,” sambit niya.

“Nag-reconcile na kami bandang September last year. After nung presscon ng Megasoft.”

Ang tinutukoy ni Ryle ay ang panayam niyang nailathala sa PEP.ph noong August 31, 2019, kung saan naglabas siya ng hinaing tungkol sa ama.

Si Ryle ay lumaki sa piling ng kanyang inang si Sherilyn at stepfather na si Chris Tan.

Patuloy ng actor-dancer, “Kasi, may nasabing mali ang pagkaintindi niya. So, na-offend siya.

“‘Tapos, ayun, sabi niya, ‘Usap na lang tayo.’”

JUNJUN WAS OFFENDED

Paano naganap ang kanilang pag-uusap ng ama? Tinawagan siya ni Junjun?

Continue reading below ↓

“Hindi, meron lang nagsabi na na-offend siya,” sabi ni Ryle.

Sino ang nag-initiate na mag-usap sila?

“Ako. Sabi ko, ‘Sige, usap tayo.’

“Ako na ang nagsabi, ‘O, sige, magkita tayo.’

“Kasi, hindi naman na ako bumabata. Hindi na rin siya bumabata.

“So, nag-usap kami. Okey na kami."

Ano ang partikular na ikina-offend ng tatay niya?

“May nasabi kasi na ‘magpaka-tatay ka,’ parang ganoon.

“Well, sa akin naman, wala namang maling sinabi.

“Totoo rin naman. Agree rin naman ako sa sinabi.”

Posibleng ang tinutukoy rito ni Ryle ang pahayag ni Chris Tan sa parehong artikulo na lumabas sa PEP.ph noong August 31, 2019: "Siguro, just be a father. Kasi, no matter what, anak niya, e. So, just be a father."

Diin naman ni Ryle sa bagong panayam ng PEP.ph, “But, well, for me, past is past.

“Okey na… napag-usapan na namin.”

Paano niya ide-describe yung “okey na” sila? Madalas na ba silang magkita o mag-bonding pagkatapos nilang magkausap?

Continue reading below ↓

“Hindi naman sa madalas magkita.

“Nagkikita kami. Nag-uusap kami.

“Binibisita ko siya sa office kapag wala akong ginagawa.

“At least, may ganoon na. Kaya natutuwa siya.”

HEART-TO-HEART TALK

Maaari bang idetalye ni Ryle ang naganap na pag-uusap nila ng kanyang ama? Nagkaiyakan ba sila?

“Wala naman iyakan. Well, may konting pikunan.

“Kasi naman, ten years kaming magkaaway.

“So, ako, medyo galit talaga ako sa kanya.

“Pero I decided na mas kailangang manaig ang maturity kesa sa sama ng loob… intindihin na lang natin ang isa’t isa.

“Kasi, para saan pa bang magalit? E, kami lang naman ang mabibigatan, di ba?

“Walang magandang maidudulot pareho sa amin yun.

“So, naisip ko na, ‘Okey na. Okey na yun.’ Para saan pa ba ang pride?” saad ni Ryle.

TAN BY HEART

Naayos na rin ba ang tungkol sa gagamitin niyang apelyido?

Gusto kasi ni Ryle na Ryle Tan ang gamitin niyang screen name, pero hindi pumayag ang tunay niyang ama na i-drop ang apelyidong Santiago.

Continue reading below ↓

Sa ngayon, Ryle Santiago ang tawag sa binata, pero Tan ang ginagamit nitong surname sa kanyang social media accounts.

“Uhm, oo, okey naman,” sabi ng Hashtags member.

“Kasi, ipinanganak naman ako na Santiago. Hindi mo na puwede palitan yun.

“Pero ang mahalaga, Tan pa rin ako by heart. Pinalaki ako ni Daddy Chris.

“Alam naman niya yun, na love na love ko siya.

“Pina-tattoo ko pa pangalan niya sa wrist ko,” sabi ni Ryle, sabay pakita ng tattoo niya sa bandang braso malapit sa kamay.

“At least, buhat-buhat ko pa rin.”

Nabanggit na ba ni Ryle sa kanyang Daddy Chris ang napag-usapan nila ng kanyang ama, lalo na ang tungkol sa apelyidong gagamitin?

“Hindi na kailangan pag-usapan yun. E, screen name ko naman.”

WORRIED ABOUT HIS DADDY CRIS

Speaking of his Daddy Chris, kumusta na ito pagkatapos nitong maospital noong December 2019?

“Nakalabas na siya ng hospital. Okey na siya.

Continue reading below ↓

“Pero bed rest muna siya. He needs three months for recovery.”

Natakot ba siya nang malamang dinala sa ospital ang kanyang Daddy Chris?

“Oo, kasi 4 a.m. in the morning, ginising ako. Yung tatay ko raw nasa ospital.

“Sino ba naman ang hindi matatakot? Kaya agad-agad, pumunta ako sa ospital.

“Buong holiday break ng Christmas… nandoon lang kami sa ospital nung Pasko…

“Christmas hanggang sa… before New Year naman, nakauwi kami.

“Pero New Year, nasa kuwarto lang kami. Sinisigurado ko na okey siya.

“Pero ngayon, nakakatayo na. Okey na okey na.

“Pero hindi pa siya advised na magtrabaho.”

Ano raw ba ang dahilan kung bakit isinugod sa ospital ang kanyang Daddy Chris?

Ayon kay Ryle, “Inubo siya nang todo.

“‘Tapos may na-fracture sa loob.

“Feeling ng mga doctor, trauma from PBA career pa niya or from wakeboarding.

“Hindi nila [doctors] alam. Hindi rin namin alam.

“So, ayun, nagka-internal bleeding siya. Nagkaroon ng laceration sa may kidney niya.”

Continue reading below ↓

Natakot daw si Ryle na baka mawala ang kanyang Daddy Chris.

“Oo, sobra,” pakli niya.

“Nung una talaga… kasi nung hindi pa nila masabi kung ano yung problema, talagang takot na takot kami.

“Hanggang sa sinabi, dumudugo siya inside. Hanggang sa sinabi na kailangang operahan. Hanggang sa… ang dami nang nangyari.

“Pero awa ng Diyos, hindi na siya inoperahan.”

Read Next
Recommended Videos
Latest Stories

Get a chance to WIN an overnight stay in Pico de Loro and other prizes when you answer the PEP.ph Reader’s Survey!

Answer Now
Trending in Summit Media Network

Featured Searches:

Read the Story →
Ryle Santiago (right) on renewing his relationship with biological dad Junjun Santiago (left): "Hindi naman sa madalas magkita. Nagkikita kami. Nag-uusap kami. Binibisita ko siya sa office kapag wala akong ginagawa. At least, may ganoon na. Kaya natutuwa siya.”
PHOTO/S: Mark Atienza
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results