Bago pa man ang Valentine's Day, nauna na si Derek Ramsay sa pagbibigay ng sorpresang date sa girlfriend na si Andrea Torres.
Pero bago ang Valentine's surprise ni Derek, inamin ng Kapuso actor kay Lhar Santiago ng 24 Oras na may konting tampuhan lang sila ni Andrea.
"It's something very petty, but I kinda magnified it a little bit to make the surprise even better," sabi ni Derek.
"She's kinda angry at me right now. But when she gets here I think this will... you know, peace na kami pagkatapos."
Gusto rin daw makabawi ni Derek sa pagsurpresa sa kanya ni Andrea nung birthday niya last year.
Bilang bahagi ng sorpresa ni Derek, pinapunta si Andrea sa pinapagawang bahay ng aktor para mag-vlog para rito.
Sinundo ng isang kotse si Andrea para pumunta sa pinapagawang bahay at nang makarating doon, nagulat siya nang makita ang set up na pinahanda ng aktor para sa kanilang dalawa.
Hindi na napigilan ng Kapuso actress na mapaluha sa sorpresa.
Sa ngayon, nasa Japan sina Derek at Andrea kung saan nababakasyon sila kasama ang kani-kanilang mga parents.
